上水中心海港酒家晚餐

上星期五晚約了相公的家人在上水中心海港酒樓吃晚飯 , 

可人兒好似冇喱表情 , 原來她有少許唔舒服 . 

同枱七個人食飯 , 其中三個人都有少許唔舒服 , 

看到餐牌上有款川貝五葉參燉鱷魚肉湯 , 

聞說鱷魚肉對咳嗽和氣管敏感都很適合的 , 

今晚就叫這款湯大家滋養下氣管 . 

今次給我們寫菜的部長 , 佢企喺我隔離 , 

不停推介這樣那樣令人很心煩 , 

我們已接納他叫了大虎班兩食 , 

他還繼續叫我們食牛尾煲 , 已回答幾次話唔要 , 

他還是囉唆叫我們吃牛尾煲 , 

終於我沉不住氣說 : 都話唔試咯 . 

他才收口推介其他餸菜 " 好煩耶 " 

餸菜  :

川貝五葉參燉鱷魚肉湯 ( 錯體湯取消 ) 

上湯焗本地龍蝦

大虎班兩食 : 清蒸虎班頭腩和翡翠炒班球 

瑤柱扒豆苗 

安格斯牛柳粒 

豉汁蒸帶子三件和不知名食材蒸豆腐三件

貴妃雞半雞 

鮑魚雞煲 ( 欠奉取消 )

貴妃雞半隻 

原先我們想著家中有人唔舒服 , 

才叫這款川貝五葉參燉鱷魚肉湯 ,

但不知怎樣變了花膠燉雞湯0既 .

燉湯送到來侍應員分配各人一碗湯 , 大家都開始飲湯 , 

但看剛才侍應員把燉湯裡的食材放到碟上 ,

就發覺碟裡的食材有點兒不對勁 , 

為何有半隻雞和一些像花膠食材混在其中 , 

再請那位給我們寫菜的部長 , 問他這是什麼湯 , 

他把那半隻雞挑爛了 , 就硬說這是鱷魚肉湯 , 

我們當然唔應同 , 從來都沒聽過用雞煲鱷魚肉湯的 , 

部長最後攞回廚房問清楚 , 

過了幾分鐘又攞回來說 : 

我地的鱷魚肉湯係用雞和花膠燉0既 .

乜話 , 我們雖然唔識中藥的配搭 , 

也沒有聽過雞燉鱷魚肉 , 

況且菜譜也沒有提到有雞和花膠 , 

大家都知道唔舒服係唔可以飲雞湯 , 

我地就係因為家人中有三個人都唔太舒服 , 

才叫這款湯希望滋補氣管 , 現在竟然變了飲雞湯 , 

最後部長覺得理虧才答應取消這款湯 , 但相公飲了 , 

可能咁啱真係唔舒服係唔可以飲雞湯的 , 

相公飲咗碗湯咳了幾天 , 吃藥才稍有好轉 .

上湯焗本地龍蝦 , 我唔食0既問相公好吃嗎 ? 

他以往食乜嘢差不多都話好味 , 

但今次他衹是淡然說味道一般喇 , 肉質都算實肉0既 .

大虎班兩食其中一味 

清蒸虎班頭腩 , 配菜有金菇菜和雲耳食到酒香味但超多骨 ,

整碟大部份都係魚鰭沒有肉還夾著細細的骨 .

翡翠炒班球 , 班球很少 , 

所謂的班球言過其實 , 應該係炒班片才對 .

瑤柱扒豆苗 , 豆苗好老 .

安格斯牛柳粒 , 最初我以為整碟都係牛肉所以唔食 , 

後來他們說這碟餸混合很多韓國菇一齊炒 , 

那樣我就吃了幾粒菇菇 , 味道都算唔錯 , 

牛肉就問相公食完覺得如何 , 他說味道幾好 .   

豉汁帶子蒸豆腐三件還有三件忘記它的名字了 , 

衹記得橙黃色物體聞說係海參的腸 , 這味餸味道一般 .

飯後送紅豆沙糖水稀稀的 , 煲得仲差過我好多唔想影了