喜尚嘉喜宴會廳食晏

昨日在家打邊爐眼闊肚窄 , 食剩很多食物 , 

今日可以不用買餸 , 我和相公又周處逛 , 

近近地到元朗行街 , hea 到肚餓便到喜尚嘉喜宴會廳食晏 , 

今次我們食套餐 , 食物有 : 

豆腐火腩桂魚腩飯、白灼菜心、滑雞絲粉卷、

南乳豬手、菜肉雲吞、干蒸燒賣共六款 ,

但真正可口的好似衹有干蒸燒賣 . 

白灼菜心

南乳豬手份量很少而且嚿嚿骨一啲肉都沒有 , 

看來應該全部都係豬腳 , 顏色太鮮艷好假又唔稔 " 差 "

紫菜伴菜肉雲吞共六隻 , 雲吞皮很厚饀少又煮得太耐 , 

稍為移動整隻雲吞就爛了 , 紫菜有少許沙 , 味道一般 . 

干蒸燒賣 , 個子很迷利我唔食0既 , 相公話好味 . 

豆腐火腩桂魚腩飯  , 飯唔太熱又冇飯味好散 , 

支竹好硬韌韌地 , 火腩和冬菇片各兩件 , 

我印象中的桂魚皮好似都幾薄的 , 

但這些所謂桂魚腩層皮很厚 , 

味道一啲都唔似桂魚 "  no good " 

滑雞絲粉卷 , 傳菜員忘了放醬油 , 

我們為了醬油要求過起碼四位侍應給我們醬油 , 

但她們都去如黃鶴 , 最後要勞動靚靚部長小姐搵人攞給我們 , 

醬油來到粉卷都已經凍咗大打拆扣 , 饀較少又肥膩味道一般 . 

綜合幾款食物 , 今日我們冇乜食神 , 

下次都係散叫點心好了 .