無事忙

今日本來想到屯門 " 好日子 " 飲茶 , 

當行過 " 大姆指 " 以為他是日本拉麵店 , 

相公突然改變主意想食拉麵 , 

好吖 , 反正未食過這間食肆 , 就試試吧 ! 

喔 , 侍應員送上食具和紙巾 , 咦紙巾寫住x哥0既 , 

又衰咗添 , 原來又係x哥旗下的連鎖店 , 

屋企附近都有 x 哥不用嚟到這裡吃喇 , 

都係怪自己沒有看清楚就中咗入嚟 .

最唔鍾意 x 哥的羅宋湯味道怪怪 , 

這裡的羅宋湯都係味道怪怪 , 但相公又好鍾意飲 .  

相公又係食豬軟骨 , 

滷豆腐豬軟骨飯配上一隻滷水蛋 , 

滷豆腐和蛋味道都幾好 .

熱華田 

香芧豬扒湯河粉

 

食完晏先到吉吉超市逛逛 , 

今次收穫有 : 

兩個紐西蘭(日本種)南瓜 , 

急凍有皮石班魚柳 ( 越南 )

急凍青衣魚柳 ( 紐西蘭 ) 

行完超市便到價x棧睇零食 , 

嘩發生乜事呀 ! 門口很多人正排隊等入去買嘢 ,

市道真係咁旺咩 , 睇真啲原來成班都係國內遊客 ,

咁我要排幾耐才可以入去睇嘢呢 ? 

都係唔等了 , 費事嘥時間 , 走吧 ! 

托住兩個咁重的南瓜 , 邊處都唔駛去 , 

先行帶收穫回家 , 再到屋企附近的商場行下 , 

突然想起早幾日在酒樓飲唔到鱷魚肉湯 , 

不如買些鱷魚肉自己煲最實際 , 

當我們入到樓 x 舖 , 又係超多國內遊客正在排隊買嘢 ,

他們好犀利真係無處不在 , 

邊度都見到佢地0既 . 我都好唔明白 , 

看到他買的貨品都係國產貨 , 為何要到香港買呢 ? 

以往都係買鱷魚扒煲湯 , 今次看到有鱷魚尾骨 , 
相公話可能煲完出來的鱷魚肉冇咁嚡可以食 , 
又好 , 本著食得唔好嘥就買一包試下 . 

無意中看到這裡也有我們喜愛嗰種的核棗糕 ,
以往想食就必需要到油麻地永安才有得賣 ,
以後隨時都可以買了 , 開心果現在特價 $ 36 好抵買番包先 .
把收穫先帶回家再到大伙頭吃晚飯 . 

什菌雞意粉 , 熱辣辣好好味 . 

芝士焗豬扒飯 , 

以前好好味但今次失水準 , 

太多汁好酸 , 豬扒太稔冇口感 .