元旦日舊地重遊 ○ 大澳水鄉

續 : 元旦日舊地重遊 ○ 寶蓮寺

我和相公參觀完寶蓮寺 , 再乘旅遊車前去大澳水鄉 .

我們成班鴨仔跟住導遊姐姐 , 

從這條橋行過對岸 , 再行冇幾遠便到達目的地 . 

途中有船家叫每位$ 20 坐快艇 , 

去睇中華白海豚 , 成團人都冇人出聲 , 

我最怕坐這些船仔 , 在海上左穿台插 , 

好似冇乜安全感0既 . 

大澳水鄉呈現眼前 , 

 但跟我心中的水鄉有少許距離 , 

後來問導遊姐姐 , 她說今日水退 , 

怪不得那些屋仔距離水面咁遠 . 

我們經過大澳市集好多嘢賣 , 本來想睇下 , 

但導遊姐姐話等回程 , 才讓我們自由行 . 

關帝古廟和天后古廟

關帝古廟建於光緒年代 , 

 導遊話這間廟已經修葺過幾次 . 

廟頂上擺放了很多不同造型的公仔 . 

六位外籍小朋友 , 

係佢媽咪叫佢地排排企埋牆食雪條的 , 好可愛 !

未完成的龍船 

經過當地民居好多都大開中門 , 有些面積都好大間 . 

沿途都見到曬鹹魚和鹹蛋黃 . 

我們再轉入小路 , 看到海水位愈來愈低 .

水退哂了 ! 

導遊姐姐話這些就是紅樹的種子 , 

當它成熟了就直插入水中 , 

佢好粗生咁就會生一棵紅樹出來 . 

行到盡頭我們開始自由行 ,

我記得在 blog 友仔處睇過大澳水鄉有間酒店 ,

他的前身是大澳舊警署改裝而成 ,

我和相公從原路返回市集 , 再行另外一邊小路 ,

搵下這間酒店 , 但市集太多嘢睇 , 

都係八一陣才去找那間酒店 .

炸沙翁

新鮮熱辣辣好受遊客歡迎 , 不過太燥熱唔敢試 .

導遊姐姐話大叔用炭燒雞蛋仔好出名0架 , 

唔怪得之要排隊喇 , 我地又排埋一份 , 

排咗10 分鐘才有得食 . 

好脆稍甜

甜餅好吸引

但我地仲要睇其他美食 , 唔買了 . 

成班人圍住睇乜呢 ? 

地道茶果 , 咁多人買 , 一定唔可以錯過 . 

排排坐食果果 , 店主都算唔話得 , 

擺幾張椅比客人買完可以坐喺度慢慢歎 , 

但太多人冇位坐添 . 

我同相公一人一件趁熱企喺到食 , 

n ....  咁多耐冇企係街食嘢好有風味 , 

相公食兩個紅圓圈的紅豆饀 .

我食冇圈的鹹眉豆饀 

這位先生買了一隻大魷魚囉去酒樓煮 .

擺賣螺殼裝飾品 . 

曬蝦膏

我認得呢部升降機喺 blog 友仔篇網誌見過 , 

咁即是到了 , 但寫住遊人要行正門入去參觀 ,

冇得試乘這電梯 . 

行斜道上去 . 

兩頭通道被封住 , 冇得近距離望下入面的房間 . 

參觀完 , 夠鐘集合坐車回家了 !