年近歲晚無事忙

還有九天便是農曆新年 , 

各家庭主婦都準備新年事宜忙個不了 , 

本來我沒有特別事要忙 , 但今天為了年初一煮齋的支竹 , 

專程到深水埗樹記去 ,  因為他的出品是本地制造的 .

放學後先去美心吃下午茶 . 

鐵板雞球炒麵配紅豆冰 , 

炒麵超鹹我加了大半杯白開水混和 , 

才勉強吃下去 , 雞煮到過火好硬 .

新出品 , 豬皮蘿白牛腩撈麵 

相公話牛腩係坑腩炆得稔滑 , 其他味道好淡 . 

食飽飽便到深水埗買支竹 , 平時都有嚟買過樹記的制品 , 

每次總要排隊等十幾分鐘 .

嘩 ..... 今次我們老遠便看到很多人正在排隊等買嘢 , 

粗略估計有一百人正在排隊 , 

都唔知要罰企幾耐才輪到我地 , 

咪攪我 , 相公鍾意食支竹就由他罰企吧 ! 

我就到處逛 , 街上人來人往好熱鬧 .

等呀等大概四十五分鐘之後 , 相公終於買了支竹 . 

當我們離開之時再往隊尾看看 , 又係有成百人正在排隊 . 

老闆真係笑逐顏開了 ! 買完嘢周圍逛到吃埋晚飯才回家 . 

我們行到一條超多食肆的街 , 最後入咗越南邨食飯 .

我食香茅豬扒飯配酸牛肉湯和南瓜西米露 .

噓 ... 今日相公好似同牛有仇 , 

下午茶食完牛腩 , 晚飯又食牛尾 , 

他的餐係冇糖水的 , 但衹要加$ 2 就有南瓜西米露 ,

雖然我唔食牛 , 但我都有食配菜的洋蔥 , 汁微辣好香蒜茸味 , 

牛尾有好多件 , 相公話牛尾好滑好好味 .

南瓜西米露稍甜西米太稔 .