屯門 V City " 鼎泰豐 "

 " 鼎泰豐 " 傳聞算有點名氣 , 

可能我們唔識食 , 感覺唔啱口味 .

茶清一式烏龍茶每位 $ 12 店內佈置較普通 , 

可能剛巧今天比較多小朋友好嘈 .

菜牌上食物款式唔太多 , 

可能這店主打是小籠包 , 

所以小籠包有好幾款饀料 , 

我們叫了傳統的小籠包 .

今餐叫了5 款食物 .

清燉牛展湯麵 $92

我們從未食過這樣制作 ( 伏了 ) 

名符其實牛展燉湯 ( 老火湯 )

用盅盛著煲到腍席席無味夾起來會散的牛展(湯渣)

和一大片薑的湯 .

既然是燉湯我們就當係普通湯飲了 , 

炸豬排湯麵 $ 74 

豬排表面超多黑點賣相很醜影響食慾 , 

不是外面脆脆的炸豬排 , 

而是煎豬扒好瘦要花點牙力啃 .

把湯分一點到上圖中的麵中 .

兩碗麵條較為硬要浸幾分鐘才吃 , 味道好普通 .

菜肉紅油抄手 $ 72 ( 6隻 )

抄手皮好薄好爽口( 口感似現成餃皮 )

肉跟菜比例 1:1 , 菜切得很幼細 , 

饀味道較淡要加醬汁一起吃 ( 醬汁微辣唔香 )

小籠包 $ 70 ( 6隻 ) 

皮很薄爽口不容易弄破 ,

( 口感同樣似現成餃皮 )

汁很豐富味道一般 . 

菜肉蒸餃 $ 65 ( 6個 )

餃皮好薄爽口( 口感同樣似現成餃皮 ) 

 我諗都係用紅油抄手的饀 ,

 味道較淡要點醬油或醋來吃.

枱很細我們都未開始食 , 

所有食物已陸續到齊 , 大概不用十分鐘吧 !