沙田避風塘周記晚飯

今日約了相公家人到沙田新城市廣場的避風塘周記食吃晚飯 , 
一場嚟到沙田 , 我和相公先到沙田中央公園看看 , 
再到香港文化博物館睇下有乜啱睇 , 
hea 到差不多夠鐘才到避風塘周記會合家人 . 

飯店坐位比較細 , 我們六個人被安排坐橫放 U 字形卡位 , 

枱細餸菜又出得很快 , 轉眼所有餸菜便到齊 , 

成枱食物非常混亂 ,  可能天氣凍大家都穿着的衫多了 , 

"  於是人有人逼 , 餸有餸逼  "  很滑稽 .

芝士焗生蠔除了芝士外還配上沙津醬 , 
芝士幾好食 , 但加上沙律醬就覺得有點兒怪 .

燒焗羊架好行貨

腊腸田鷄煲仔飯 
我衹吃過腊腸和飯 , 腊腸很瘦偏鹹 , 
飯煲得比茶餐廳還差很遠 , 當打開煲飯一啲香味都冇 ,
啲飯食落更加全無口感 , 田鷄我冇食過 .
因為我曾看過田鷄被劏了 , 層皮都被撕走 , 
牠身體光禿禿重識游水 , 
自此以後就從未食過田鷄了 .

坐得唔舒服連影出來的相都好差 , 
用鰻魚汁燒白蟮 , 味道唔錯但很多細骨好麻煩 . 



炸白飯魚很鬆脆 
我覺得這味餸最好食 , 其他餸麻麻地 .

豉汁炒蜆味道幾好 , 但有很多隻唔開口0既 .

串燒豆腐唔好食0既 , 豆腐好嚡冇味 , 唔合格 .

蝦烏卒卒唔開胃冇食過 .

三文魚骹炆茄子 , 用石碢上構思唔錯但很肥膩 .

鮮茄魚湯牛坑腩 
魚湯食材有 : 豆腐、蕃茄、草菇等等
我唔食牛0既 , 衹飲過一口湯很多羗和黑椒 , 
家人話牛腩很好食 .

每次行商場見到超市都一定入去逛逛 , 

這裡有一田和 City Super , 在那裡買了魚膠片

黑松露醬 , 九龍醬園的麵豉醬和韓國正宗麵豉醬 .