沙田小南國團年

一年將盡 , 轉眼又食團年飯 , 
香港雖然彈丸之地 , 但人人生活繁忙 , 要約一家人食餐飯 , 
相信大部份家庭都係趁着節日才可齊人食飯 , 
自然正日做節就非常多人 , 所以每逢過節我們例必提早 , 
今天約了夫家屋企人 , 一齊在沙田新城市廣場小南國團年 .      

到達廣場先周圍逛下 , 這些佈置睇唔明表達乜嘢 .   

 

      
 廣場另外一邊的佈置 , 全都是兔仔做型 .    
   

 

               

 

             

參觀完沙田新城市廣場佈置 , 睇埋附近酒店的擺設 .

 

行完商場還未夠鐘食飯 ,
經過一田超市門外的朱古力專門店 ,
買包朱古力再往 food court 慢慢歎 .

 

            
今次第二次嚟小南國食晚飯 , 我們一行七人 , 
其中包括小可愛 BB , 唔見一輪好似又唔同咗樣了 .

前菜 : 皮蛋豆腐

薺菜百葉卷

南國元蹄伴棠菜

將元蹄皮移開 , 肉很瘦皮薄嫩滑味道剛好真不錯 .

上海炒年糕 .

荷香陳皮雞

雞肚內塞了陳皮和大量木耳 ,
雞肉稔滑陳皮和木耳吸收了雞汁精華 ,
我喜歡食木耳多過雞肉 .

小籠包 
真係不好意思因我皮膚敏感唔食得蟹粉 , 
所以家人就我唔要蟹粉 , 肉汁鮮味不錯 .

灌湯生煎包 
很有心機煎包底很脆 , 肉汁鮮味  " 正  "
62 唔鍾意食生煎包 , 其他人又唔食終於我食咗兩個 .

沙鍋雲吞雞 
張枱太細無法容納它 , 侍應把它分好才給我們 , 
大家都話點解咁少湯既 , 好似食淨雲吞 .

蟹粉時蔬
我們一致讚成改用豆苗 , 但要加二十元 . 

香酥鴨 
炸得幾脆鴨肉嫩滑 , 用薄餅卷住嚟食好味 .

 

蛋黃明蝦 

蝦係逐隻計錢 , 兩人棄權所以衹叫四隻 .

這味餸名為蛋黃明蝦咁即是話應該有蛋黃喇 ,

但侍應小姐話如要蛋黃每隻加十元 , 奇怪 ???????????

我唔食蝦0既 , 相公話蝦很實肉 , 味道又唔太鮮味 .

蝦都幾大隻 , 但唔夠鮮味即是唔合格 .

雞煨麵 
擺正我面前但實在太飽冇食 , 聞到很濃香的雞湯味 .

如意卷 
雖然好飽但甜品是我的至愛 , 所以飽都要試 , 
饀係紅荳 , 皮好像香蕉糕 , 味道一般 .

酒讓丸子 
飯後甜品份量就衹得咁少咋 , 
不過都幾好味 , 唔太甜有少許酒味 .

食得太飽我衹要了一粒丸子試下 , 
今餐食得實在太放肆 , 飽到上心口 .