趁墟

昨日在粉嶺聯和墟看到海報今天有墟趁 , 
以前也曾聽過新界某些日子會有墟期 , 
當日會有很多農作產品和鄉村食品擺買的 , 
我滿懷高興諗住去見識下 , 
而且重帶埋購物袋準備買嘢 , 
到達目的地但唔多覺有人群0既 , 
現在衹是中午 , 冇咁早收市卦 , 都係盡快到現場睇吓先 .

 

 

            

 吓 ! 趁墟就係睇呢啲嘢 ?

所有都是模擬舊日店舖唔係真實0既 .

學爬樹 , 還有示範包煎堆 , 有得試食0架 . 

十分鐘都唔夠就趁完墟了 .

都係食晏好過 , 新開張喎就入呢間山東餃子店 , 

它從附近搬來的 , 所以很多熟客 , 差啲連位都冇得坐 .

京蒽羊肉餃子麵 , 相公話很好味喎 .

香茜鷄肉餃子麵 , 其實好似上面嗰碗咁大0架 , 
衹不過侍應漏單 , 等得太耐掛住食唔記得影相 , 
香茜好濃味都算唔錯 , 但味精多咗啲 .

招牌山東煎餃六隻分別是 :
蕃茄鮮肉餃、木耳冬菇鮮肉餃、素菜餃
西洋菜鮮肉餃、韮菜鮮肉餃、椰菜鮮肉餃 .
我覺得蕃茄鮮肉餃最好味 , 
下次自己包餃子都試吓落蕃茄 .
食飽時間還很早周圍行吓 , 
我們看到有路牌去龍躍頭文物徑 , 
於是兩儍又跟住去搵 .