上水珍苑麵家

又到星期日 , 屋苑附近的食肆都非常熱鬧 ,

懶得等位索性乘巴士到上水覓食 , 前陣子在網上看到上水區 ,
有幾間食肆的口碑都不錯 , 今次我們選了新勤街的珍苑麵家  .
     

店舖內外都可算清潔 ,
店員態度幾誠懇算有禮貌 .
聞說這裡有幾款食物必食的 ,
雞翼、水餃、雲吞、牛腩、魚蛋等 .
     

我唔食蝦0既 , 叫了一碗双拼雲吞雞全翼麵 ,
因為想盡量試多兩樣食物 , 雲吞內的蝦可以比相公食 ,
但通常雲吞的湯都係用蝦頭煲的 ,
唯有同店員要求可否唔要雲吞湯底 , 轉其他其他湯底 ,
回覆說所有湯都係用蝦乾煲 , 衹可以唔放湯 , 
所以呢碗麵係乾的 , 雖然無放湯 , 
但麵同樣很好味 , 衹是稍為乾身 , 
雲吞 size 同其他麵店差不多 , 食味一般很少肥豬肉 ,
每隻吞雲有隻已挑腸的蝦 , 食得很放心 .
雞全翼非常入味稔滑 , 好似用了瑞士雞汁甜甜地 .
   

牛腩水餃麵
牛腩有四件和一件牛筋 ,
相公話牛腩和牛筋炆得啱啱好稔滑 ,
水餃 size 比普通略為大隻 , 食到冬菇和筍的香味 ,
蝦都同樣把腸挑走 , 值得讚 .
水餃饀有 : 
筍、冬菇、豬肉、少量肥肉和蝦 .