唔係亞嘛 ! 大件事

      某個晚上電話鈴聲響起 ,

        

        我和相公同一時間望住時鐘 ,
      哦 ! 這個時間通常會係 62 打來的 ,
      62 是個做事很有原則的老人家 , 近乎固執他想做的事 ,
      必定意見接受行動照舊 , 很難說服他改變 ,
      由其來電給我們 , 必定不偏不倚準過鬧鐘 , 
      每次都係同一時間 , 所以相公去接聽 .

      收線後相公對我說 : 62 明天有嘢同我地商量喎 !  

      我 : 乜事呀 ?
      相公 : 冇話喎 .
      我 : 點解唔問下關於乜嘢0既 .
      相公 : 明日見到咪知囉 .

      我 : 為之氣結 ( 先知道下又何妨呢 ! 起碼有心理準備嘛  ! )

      整晚都想着 62 有咩事要跟我們商量呢 ?

      一宿無話到天明準時到達 .

      62 擘口便說 : 我想搬屋 !

      我和相公心諗 : 吓 ! 乜話 ? 唔係亞嘛 , 我有冇聽錯呀 !

        相公 : 搬去邊呀 ?

      62 : 搬埋入你地附近囉 !

      我倆登時眼都大了 . 

         跟着他自顧自地說搬屋的原因 , 
      62 想搬我們有什麼可以講呢 ? 我們衹有點頭 , 
      但心中盤旋着以他現在 86 歲高齡 , 
      有乜可能自己搬屋呀 ? 
      咁咪即是叫我地倆個同佢搬屋 !
      悽慘呀 ! 諗起兩年幾前我們由市區搬到這裡 ,

      當時攪搬屋的事簡直忙到想 C , 

      現在又嚟搬屋 .........  歷史重演 .

          聽完 62 一番說話整個人好像魂遊太虛 ,
       突然 62 對住個鏡 , 摸下摸下啲頭髮說 , 
       唉 ... 我好似老咗好多 . 
       kit 一聲 ! 我笑了出來 , 

       以他 86 高齡乜唔係一早已經老咗好多哩咩 ,

       現在才開始覺得自己老了 , 真攪笑 ! 

       ( 其實他現在黑頭髮重多過白頭髮很多哩 ! )

       就是這句說話我開始明白 , 點解 62 要搬屋了 ,

       俗語說 : 老來從子 , 但他又喜愛獨立生活 ,

       搬到我們附近便可以兩全其美 ,

       一方面他仍可以自由自在地獨立生活 , 

       又都算是老來從子 . 

       住在附近都總算是從子吖 , 

       唉 ..... 就係咁樣 , 我們的忙碌便開始了 .