中秋佳節 ( 海南雞飯 )

一年一度中秋維園綵燈會 , 
每年我和相公都一定去趁熱鬧的 , 今天也不例外 , 
先到 62 家中 , 打點下才出省 ,
但發覺他雙腳和受傷的手仍然腫 ,  
我們時時都苦口婆心跟他說 ,
要多多郁動手指做運動 , 還要時不時在家中散步 ,
才容易消腫的 , 唉 ! 62 這位老人家很固執 ,
他竟然對我說 :  腫唔緊要0架 , 醫生同佢整石膏之時 ,
有張紙寫着腫唔係身體有問題 , 慢慢會退0架 !
又依然故我坐定定等自然消腫 ,  真係冇佢修 , 
都唔知好嬲定好笑 . 
唯有另想辨使他坐着時 , 提起雙腳放在椅上 ,  
我和相公立刻周圍找傢俬店買張專門櫊腳的椅給他 ,
好彩找到了 , 再為他收拾一下什物和煲一大壺開水 ,
終於可以出省 , 去到銅鑼灣已經差不多吃晚飯 ,
本想周圍行下又要告吹 , 衹好留待下次吧 !

    

 

早排 blog 友曾講過銅鑼灣的  J P  Plaza 內 , 
有間海南雞飯都算可以 , 我們到達已没有位 ,
懶得等位便坐在店門外的座位 , 

環境唔太差没有太多行人走動 ,
燈光稍為暗 , 冇所謂喇當好情調囉 ! 

 

竹笙牛肝菌湯素餃子和 凍檸檬茶
濃香牛肝箘湯味道不錯 , 餃子的饀全蔬菜配搭適宜 . 

 

海南雞飯
油飯煮得不錯淡淡的椰香味  , 飯軟硬適中没有一般餐廳那麼稔 .
湯用冬瓜粒雞腎粒煲 , 飲了没有口渴感 , 醬油很濃稠又唔鹹 , 
平時我食雞衹蘸雞醬 , 但今次真令我難於取捨 , 唯有兩樣醬都蘸 .