金海洋飲茶

2012 年轉眼已過了差不多三個月, 今天是農曆三月初九日 , 

還有幾天便是清明節 , 每年我們都會提早到將軍澳拜相公媽媽 , 

愈近清明節 , 交通便有特別措施 , 的士是不能直達 . 

今早我 , 相公和62早上十一點便乘西鐵到美孚站轉港鐵 , 

去到太子再轉車到油塘 , 個多小時都在地鐵裡團團轉 , 

終於到達 " 油塘 "  ! 

以往我們立刻轉乘的士前往將軍澳掃墓 , 才去食晏 , 

今天有點特別 , 我們先到茶樓食完晏才去掃墓 .

今年掃墓增加一位成員 , 就係可人兒 , 

大個女今日一早她便上學 , 

放學立刻同媽咪和婆婆一齊去掃墓 ,

咦 ! 其實可人兒應該點稱呼相公媽媽呢 ? 

看到可人兒樣子有點疲倦 , 兩歲未足便上學真係幾攰 ! 

先到茶樓食嘢抖抖先 , 每年掃墓都係到金海洋茶樓飲茶 , 

今年也不例外 , 油塘我們好少嚟 , 行過幾次都係衹見到這間茶樓 ,

他的食物好一般 , 但我們貪方便懶得周圍搵 . 

可人兒好勤力 , 未有嘢食練下字先 , 

女仔即是女仔非常貪靚 , 

寫字都要揸住支唇膏 , 久不久就搽下 .

右手揸筆左手揸唇膏幾有氣勢 ! 

掛住講都唔記得叫嘢食添 ,  午飯時間都有孖寶餐 , 

我們一行六人叫了三個孖寶餐 , 

另外一碟叉燒餐包和一碟蛋白炒飯 .

叉燒餐包

咪睇可人兒年紀小小 , 但都幾愛乾淨 , 

叉燒餐包黐笠笠 , 佢唔鍾意用手攞住食 .

婆婆最知她的心意 , 先把包包撕開細細件 , 

放到她的私家碗中 , 她便開始食 .

叉燒腸粉 , 

 我從未吃過咁煙韌的腸粉 , 很費力才能把它分開 , 

一碟腸粉得三條 , 六個人都差啲食唔哂 , 因為唔多好食 , 

最終有半條冇人食 , 我本著食得唔好嘥梗咗佢 .

瑤柱蛋白炒飯 , 都算唔錯食材幾豐富 , 

有紅蘿白、翠玉瓜、蛋白還真係有瑤柱 .

成個食神咁款 , 口裡吃著食物慢慢品嚐 , 神情煞有介事 .

雞包仔

鮮蝦菜苗餃 , 皮都同樣係好煙韌 .

鮮竹牛肉球 .

香芋流沙包 

蟹子燒賣王

食飽飽準備出發 , 

可人兒要補補唇膏 , 搽得好仔細0架 , 

嘻嘻 ! 佢唔知媽咪早已把唇膏縮哂入筒裡 , 點搽都係冇料到 .

我們一行六人分乘兩部的士前去將軍澳掃墓 .