難得一天婦女節

昨晚相公突然話明日唔好煮飯 , 我們出省行下 , 

奇嘞 , 無喇喇做乜出省行街呢 ? 哦 ! 相公話三八婦女節吖嘛 ! 

哈哈我竟然忘記了 , 今次相公真係醒目 , 

不用我開口自動報料 , 哈哈有進步 ! 

今早起來烏天黑地 , 晏啲重落埋雨添 .

婦女節先嚟落雨 , 真係悶極 , 

難得相公話同我慶祝婦女節 , 落雨都要去喇 , 

而且我想到上海街買一個豬皮插 , 原來焗燒肉要用豬皮插 ,

插下啲豬皮 , 焗完的燒豬皮會變得更脆的 , 

我們遊巴士河到奧海城逛逛 , 塞車添 .

到達奧海城都好晏了 , 先去越棧食嘢 . 

食完嘢周圍行 , 大至上這個商埸都係一如往昔 " 水靜鵝飛 "

當我們行行下才發現奧海城分成三期 , 

每次我們衹行一和二期 , 這裡人流甚少 , 

當轉去第三期就不同了 , 這裡人流多很多 , 食肆也不少哩 ! 

行完奧海城離開去上海街買嘢

街上下著微微細雨 , 好彩都買了豬皮插和串針 .

豬皮插非常尖銳 

今日真是大煞風景 , 好好的一個三八婦女節先嚟落雨 , 

雖然微雨時有時冇 , 真磨人 . 

到商場逛逛 , 夠鐘到新樂酒店食半自助晚餐

這裡分兩部份 : 

1 . 衹食沙律吧

2 . 食沙律吧外還加一個主菜 . 

以往我們倆人都係食第二部份 , 

今次主菜唔太啱我口味 , 我衹食沙律吧 .

土耳其什菜湯

食材有 : 南瓜、西芹、紅蘿白、洋蔥、蕃茄

椰菜、紅腰豆等等 , 辣辣地好好味 . 

 右上角的黑芝麻布甸太軟唔夠滑麻麻 

相公的泰式燒雞配飯 , 汁是酸酸的麻麻地 . 

我最喜愛的夾餅和沙律好好味 .

芒果布甸相公話好味 

我一定要食的雪榚 , 分別有咖啡和雲哩嗱兩種 , 

我先吃咖啡雪糕 , 濃濃的咖啡味很香 , 

再吃雲哩嗱雪糕給比下去了 , 無哩味道 .

 相公話太飽飲檸檬茶幫助消化 , 

我實在太飽 , 什麼也容不下了 .