屯門季季紅飲茶

很久之前曾到過藍地鄉村形式的季季紅飲茶 ,

點心有點兒懷舊感 , 今次試埋這間屯門季季紅 . 

北菇蒸雞飯 , 本來我和相公諗住今次衹試這裡的點心 , 

但賣飯姐姐極力推介給我們 , 她說超抵 , 餸多又好味 , 

咁大盅飯衹係 $20.8 , 仲熱辣辣有煙出 , 試就試喇 ! 

我們要了一盅 , 賣飯姐姐好開心講咗二次多謝多謝 ! 

這盅飯雞仲多過飯 , 味道也不錯 . 

當我們食緊嗰時 , 剛才那位賣飯姐姐 , 

特登行埋嚟好開心問我地 , 盅飯好唔好食呀 , 

係咪好多雞哩 ! 我冇呃你地0架 ! 看到她的笑容 , 

不期然我們都被她感染了 , 一齊哈哈笑起來 .

牛肉腸粉

蛋黃蓮蓉包 , 蓮蓉饀唔太甜蛋黃好香 , 

包身唔會輕飄飄一陣風 , 好飽肚 .

天梯豬軟骨 , 看點心紙都唔知係乜 , 

送到來才知道原來係豬的咽喉部份 ,

我冇食過 , 相公話好爽口 ,

但唔太啱食 , 相公都衹是淺嘗一下 .每次到屯門市廣場逛街 , 

都一定入吉吉睇嘢 , 今次賣了二個韓國南瓜返歸 , 

好奇怪買一個南瓜就送兩包西米 .

回家立刻開工煲南瓜腰果西米露 , 

用了一包西米才記得影相 .

晚餐 : 南瓜腰果西米露和三文魚意粉 . 

三文魚意粉 , 食材有 : 

三文魚、三色辣椒、粟米仔、洋蔥再加些香草醬炒埋一碟 .