K 11東海酒家晚飯

我們一家人到尖沙咀 K 11 東海酒家吃晚飯 , 

又可以見到可人兒了 , 沒有見幾個月 , 她比上次正經了 . 

每次我們到K 11 都是乘港鐵 , 

所以出閘後很方便入到商場 , 

不用在路面上行走超舒服 . 

但這座商場給我的感覺都是很清靜冇乜人行 .

我們七個人叫了這款 365 歡聚宴 , 

因為係半圍 , 餸菜有少許改動 ,

特式六小碟 , 我們衹有三小碟 , 

清蒸沙巴躉改為清蒸老虎班 . 

餸菜還沒有送來 , 可人兒急不及待吃自備的小食 . 

有嘢食 ! 先來三小碟

熱辣辣送來的京式素鵝 , 腐皮包著什麼食材倒忘記了 ,

衹記得有冬菇和馬蹄 , 外面脆脆地饀料味道調配得剛好 .

蒜拍青瓜木耳 , 我忙於吃素鵝忘了吃 . 

醬燒黑豚肉 , 

覺得他用上日本燒汁煮得味道唔錯 , 黑豚肉幾稔滑 . 

翡翠炒蝦仁 , 食材有 : 馬蹄、西芹、紅蘿白和爽甜的蝦仁 . 

雞蓉燴桃脂 , 桃脂 ? 係乜嚟0既呢 ? 

待應姐姐說好似雪蛤膏口感稔稔滑滑的 , 

當我細嘗這碗羹 , 味道都幾好 , 但唔知那些是桃脂 , 

衹覺得爽爽地滑滑地 , 沒有特別味道 . 

回家上網看看究竟桃脂是什麼東西 . 

桃膠又名 : 桃漿、桃脂、桃樹汁 .

桃膠是從桃樹的樹幹分泌出來的樹脂 , 

也有從杏樹、李樹、櫻桃樹上分泌的 .

( 採集 ) 夏季採收 , 用刀切割樹皮 , 

待樹脂溢出後收集用水浸 , 洗去雜質 , 曬乾 . 

( 化學成分 ) 樹膠的主要組成為半乳糖、鼠李糖、α-葡萄醣醛酸等。

資料來自 : 百度空間

香酥百花荔蓉 , 我很喜愛吃芋頭 , 但很少機會吃到這款炸物 , 

平時我和相公出外吃飯都不會叫的 , 因為芋頭較容易飽肚 , 

人多才可以吃得完 , 所以覺得特別好味 . 

可人兒唔食炸芋頭 , 

反而鍾意食伴碟的炸粉仔 , 看她吃得津津有味哩 !

發財瑤柱脯 , 瑤柱炆得很稔好好味 , 

但發菜的口感就唔多似平時自己煮的發菜 .  

清蒸老虎班 

蠔皇柚皮花菇 , 

很久沒有吃過柚皮好好味 , 

反而冬菇就被柚皮比下去 . 

用細細的火燒著滾水 , 保持水溫都幾有心思 .

碼頭炒飯 , 好似從褔建炒飯演變過來 , 

我衹試了少許 , 飯裡有蕃茄和雞蛋 , 

我較鍾意吃食材豐富的褔建炒飯  .

醬油脆皮雞 , 

看樣子都幾吸引 , 但我要留肚吃包包 , 所以不知味道如何 .

馬蹄爽加了桂花唔太啱口味 , 淺嘗少許唔太甜 . 

吓 ! 咁大個壽包0既 , 我專登擺隻杯埋去一齊影 " 幾大個 " 

我之前諗住留肚吃壽包 , 但沒有想到壽包會大得咁驚人 .

撕開看看 ! 裡面有成隻鹹蛋黃 , 蛋黃好靚流哂油很香 , 

吃了這個壽包除了飽到上心口外 , 連膽固醇都升唔少 .

可人兒好鍾意飲汽水 , 梗係 ..... 好味嘛 ! 

因為我都係好鍾意飲 .

可人兒開始吃飯了 , 

每吃一口就沿著枱玩氹氹轉

轉一圈再吃一口 , 夠哂運動哩 ! 

哈哈 , 每次可人兒行到我身邊 , 

我都要佢叫我一聲才可通過 .