佐敦杏花樓食西米黑芝麻湯丸

今日有點事到油麻地 , 完成之後本來想到旺角逛下 , 

但想到那裡太熱鬧了 , 都係行相反路線穩陣些 , 

我和相公沿著彌敦道行去佐敦的永安逛下 ,

順道去杏花樓食西米黑芝麻湯丸 .

今次短短路程之中 , 我被其他路人踩鞋跟 5 次之多 , 

有一次仲差 d 連隻鞋都甩掉 ,  真令我無名火起三千丈 , 

路上行人都唔太多喎 , 每次我被踩鞋跟都好自然地回頭看看 , 

發生乜事又被踩鞋哩 , 看到踩我鞋的人 , 

大多數都係戴上耳筒正在把弄著手提電話或傾緊電話 , 

踩到人連對不起都沒說 , 便若無其事照行佢0既路 . 

唉 ! 係我行得慢吖 , 還是他們真係超趕時間 , 

連前面有冇人都看不到 , 踩到人都察覺唔到 , 

照樣大踏步往前走哩 ! 算了吧 ! 就當他們忙碌好了 .

每次到永安都必到他的地庫睇零食 , 

今次買了包黑落花生和意大利香蒜蕃茄意粉醬 ,

以前都有買黑皮花生 , 但今次這包比以前買開的牌子貴許多 , 

原價要 $ 32 太貴了 , 唔捨得買但現在減價 $ 23 ,

咁就買一包試下 . 

逛完永安已經差不多吃晚飯時間 , 

很久沒有吃過杏花樓的西米黑芝麻湯丸 , 

早排在尖沙咀也搵過他的店舖 , 找很久也找不著 , 

後來回家上網睇 , 原來他的尖沙咀舖已結業 , 

佐敦分店還有開業 , 這間店位於很舊的唐樓地舖裡 , 

我們去到大概傍晚六點鐘 , 可能時間尚早裡面衹有兩位客人 .

相公的牛腩配菜飯 , 相公又係嗰句牛腩好食 . 

我每次到杏花樓都係食鎮江骨菜飯0既 , 

侍應姐姐竟然話賣哂 , 噢 ! 好失望呀 !  

唔係亞嘛六點鐘啫 , 都未到食飯黃金時間 , 

咁快就賣哂鎮江骨 ? 是旦喇 , 就叫肉燥菜飯 . 

肉燥煮到較為硬身 , 好似蒸肉餅 , 好彩味道都唔差 .

西米芋頭焗布甸 , 饀裡有很香的芋茸味道唔太甜 , 好味 ! 

主角出場了 , 西米黑芝麻湯丸 , 

乜嗰樣好似唔同以前咁透明0既 , 

覺得外皮的西米好似未熟透 , 

算吧總算吃過 , 了件心事 !