銅纙灣南翔饅頭店晚餐

很久沒有到銅纙灣南翔饅頭店吃東西 , 

印象中他的食物也不錯 , 幫襯的客人也非常多 , 

每次嚟到總是要等位 , 今次來到剛好是晚上七點鐘 , 

正值吃晚飯時間但門前冷落 , 不用等位便可以直接入內 , 

弊 ! 環顧店內一半枱係冇人坐的 , 靜得咁交關 , 

中秋迎月夜仲係週末都靜成咁 , 

但入咗嚟都要坐低喇 , 冇理由走番出去0架 . 

每位茶錢 $ 12 , 以前好似 $ 8 

普洱茶 和 南翔茗茶 ( 香片 ) 

兩款茶葉都很少 , 味道麻麻 . 

小食菜脯和炸花生 , 我記得以前係得一碟小食的 .

排骨湯麵 

麵少得可憐 , 件排骨外面粉漿炸得很硬脆 , 

夾住的豬扒薄到好似豬肉乾 , 完全食唔出豬肉的味道 . 

鮮肉小籠包

樣子一啲都唔靚仔 , 饀就一般皮好硬唔合格  . 

鱔糊炒麵

成碟麵油淋淋 , 鱔係稔0既又冇鱔味 , 好似雪咗好耐 .

芋頭酥個子細小 , 體積細過棋子餅仲要矮啲啲添 , 賣相都算唔錯 , 

當我咬一口就唔鍾意食 , 平時我最鍾意食芋頭任何制品 , 

唔想食的原因係裡面的芋頭饀 , 完全睇唔到芋頭亦食唔到芋頭味 , 

而且仲有少許煙韌 , 覺得佢混得太多澄麵 , 

但想到這件餅仔成 $ 10 一件 , 

唔食好似好嘥噃 , 勉強食一件喇 . 

高力豆沙都幾大件 , 冇蛋的香味又唔滑 , 唔好食0既 . 

食物質素比以前差了很多 , 

但價錢就貴咗 , 怪不得不用等位 .