無飯主婦試新嘢 ( 鹿肉餃子 )

            

今日又去元朗行街街 , 發現一間鹿肉專門店 

  鹿肉我和相公都未食過 , 

呢度所有食物都係用鹿肉煮 , 究竟係乜嘢味0既呢 ? 

都係唔好考慮咁多 , 人一世物一世都係入去試下 . 

我們剛坐下來 , 

侍應姐姐先奉上兩杯微甜熱辣辣的靈芝水 , 

我們跟她說想要杯熱茶 , 

但她說這裡是沒有茶或汽水供應的 , 

因為店內的湯或燉品都係用鹿肉 , 

再加葯材做食材屬於補品 , 

而茶或汽水會減少佢0既好處 , 

雖然我倆人衹係食普通鹿肉食品 ,

但他們根本冇沖茶 , 所以都係送上靈芝水 . 

我看著靈芝水突然想起在國內飲過靈芝燉雞湯 , 

它的顏色係烏卒卒的 , 但這杯靈芝水係淡褐色 , 

而且味道明顯跟上次飲過的靈芝湯味道好唔同 , 

請教下侍應姐姐先 , 

她說 : 煲水飲係用赤靈芝加上少許片糖落去煲0既 , 

煲湯就係用黑靈芝所以顏色好唔相同的 .

鹿肉餃子麵 , 餃子內的鹿肉一啲肥0既感覺都冇, 

味道好好 , 配菜有椰菜和紫菜 , 

麵係生麵好爽口 , 湯很清淡好似冇乜味精 . 

鹿肉片飯 , 配菜都係椰菜和紫菜 , 

鹿肉片口感好似牛肉 , 但味道就唔似牛肉 .

兩樣食物味道清清地都算可以 , 下次會再來幫襯食鹿腩煲 . 

食飽飽再逛下街 , 但愈行就愈凍 , 

都係返屋企好了 , 晚上再到舊嗰間 " 一粥麵 " 食煲仔飯 . 

梅菜肉餅飯 , 梅菜有沙0既 .

福建炒飯太多汁了 .