BLOG 聚 VS 朗豪坊白色聖誕

時間過真快 , 轉眼還有幾天便踏入 2013 年 , 

美國 blog 友亞 kei 剛好趕及回來過聖誕節 , 

今天我們幾位網上朋友又約咗到旺角飲茶 ,

我和相公一齊出省 , 我去應約飲茶 , 相公就去辦點事 . 

今次約會同樣有火鳯凰、EE 、kei 和我四個人 , 

年中我們已見過一次面 , 今次再見面就更加熟絡 , 

掛住傾差d 連叫嘢食都忘了 , 

哈哈 , 我們好似很久沒有見面似的 , 

傾之不盡的話題 , 飲完茶亞 kei 有事要辦先走 , 

我們三人轉移陣地到麥記再傾過 , 

火鳯凰好客氣請我地食麥噹噹 , 謝謝妳呀 ! 

一傾真係三個幾小時才依依不捨離開麥記 , 

希望不久將來我們再約出來見面再傾過 ! 

今日仲收了幾樣禮物添0架 , 多謝哂 !

亞 kei 從老遠美國帶回來送給我們的朱古力 , 

花旗參茶和postcard 

我們三人急不及待立刻拆一包朱古力嚟食 , 好味呀 ! 

謝謝你亞 kei .

還有 EE 送的養生桂圓紅棗茶 ,

桂圓助睡眠紅棗補血啱哂我 ,

多謝 EE  !

離開老麥再約相公周圍 hea ,

我們先到花墟睇花 ,

現在的花墟好似唔同以前 , 

少咗花店但進駐了其他行業的店鋪 ,

冇以前咁多花睇 , hea 到攰搵間餐廳吃晚飯 . 

我們揀咗康年餐廳 , 他的內部裝飾很像翠華餐廳 , 

連菜牌上的食物有很多都幾相似的 .

我和相公的口味通常都會相反 , 

今次我食日式豬軟骨飯配合掌瓜紅蘿白豬骨湯 .

相公食蒜茸羊脾扒跟蛋白菜炒飯配蘿宋湯 .  

豬軟骨少許辣醃得很入味和稔滑 .

蒜茸羊脾扒很稔滑好味 , 蛋白菜炒飯唔油膩好 " 正 " 

兩款飯都很好味 , 突然聞到很香的出爐麵包 , 

不得了侍應剛從廚房托住盆新鮮出爐的菠蘿包行過 , 

本來已經很飽 , 但都要叫一個同相公兩份食 , 

菠蘿包面脆卜卜裡面軟稔稔好味 , 超飽啊 ! 

飲杯檸檬幫助消化先得 .

吃得太飽了 , 時間尚早我們再到朗豪坊逛逛 .

朗豪坊的白色聖誕 , 還有些四不像的動物 .

本來白色的動物比小朋友攬到變灰灰地 .