無飯主婦週末開心派對

時間飛逝轉眼又到一年一度老師的生日 , 

老師照例開派對和我們一班學生玩個痛快 , 

今日我又可以做開心無飯主婦 , 

中午先和相公到會所的酒樓食晏 , 

因為這裡通常都不用等太耐便有位 .

叉燒腸粉 

 鳯爪排骨飯 

珍珠雞

蛋黃蓮蓉壽包 ,

以前這款包饀內是整蛋黃 ,

但現在縮咗水 , 衹得少過 1/ 3隻蛋黃 . 

四個九唔搭八又很醜的擂沙煎堆仔 , 

( 有一個比相公手快快攞咗去食 ) 

本來我地叫擂沙煎堆仔 , 侍應姐姐送來的是擂沙湯丸 , 

兩款根本是兩碼子事 , 當然唔想要喇 , 

侍應姐姐睇完單是她們攪錯 , 

再換過正確的給我們 , 

等了大概十分鐘 , 擂沙煎堆仔送來了 , 

咦 , 樣子咁細細個0既 , 

熱辣辣我未及影相 , 相公便攞了一個吃 , 

他說好軟綿綿 , 待我試吃一口時 , 

發覺外面炸脆部份跟裡面的糯米粉團唔連實的 ,

印象中煎堆仔係會脹卜卜 , 

外面層脆皮包著些黑芝麻醬 , 

但現在是軟綿綿糯米粉團被薄薄脆皮包著 , 

變相一個煎堆有兩種口感 , 外面脆脆地 , 

裡面就軟綿綿的超怪啊 !

我諗一定是廚師唔想嘥原本做錯的擂沙湯丸 , 

求其把湯丸外面的黃豆粉整走 , 

再蘸粉漿輕輕炸過便算交差 ,  

我趕時間去生日派對 , 唔想再花時間等他們再做過 , 

就當試新點心吧 ! 

到達生日派對已開始了很久 , 

同學們差不多都到齊了 , 

我們師生差不多100 人玩得極開心 , 

 我掛住玩唔得閒影相 , 

曲終人散便約相公去食日本飯 .

冷熱飲品各一 , 凍0既梗係我0架喇 .

日式雞扒飯熱辣辣很好味 . 

日式咖喱豬扒飯又係熱辣辣都係好好味 .

天婦羅南瓜和番薯 , 噢 , 炸物好熱好脆 , 

連醬油都係熱的 , 好味 !

食飽離開看到門外等位的人也不少 .