上星期六 , 日到國內石門國家森林公園賞紅葉 ,
集合地點是深圳灣口岸 , 時間是早上 9 : 30 ,
當天是週末心怕過關人多 ,
所以提早出門 , 到達集合地點剛好 9 : 00 ,
嘩 ....... 深圳灣人多到吖 , 我們等呀等 ,
噢 10:25 終於導遊來了 ,
他說上個集合地點福田口岸出了問題所以遲到 ,
跟著匆匆忙帶著我們到旅遊車前去 " 增城 " 吃農家菜午餐 .
吃過午飯還有時間可以看看飯店周圍環境 ,
這裡有點像院舍 , 平房裡有床舖和簡單的枱椅 ,
其中一間平房裡有四人正在進行國粹比賽 .
夠鐘出發去第一站 : 報德祠
導遊話把錢掟入龜口中 , 許願很靈驗的 .
許願樹
報德祠附近的 " 東西境古街 " 店舖 ,
貨品有海味 , 豆類和葯材 .
貨品有海味 , 豆類和葯材 .
臘鴨和疑似臘田鼠
機炒花生 , 我們大部份團友都有買 ,
我們也買了10元花生在車上吃 .
第二站 : 石門國家森林公園 ,
公園山路較窄而且迂迴曲折 ,
所以公園規定不可載多過40 人的旅遊車進入 ,
我們的車衹有34人 .
沿途一點紅葉踪影也沒有 , 導遊解釋今年天氣異常 ,
溫度仍高所以葉子還沒有變色 , 很失望 !
可能各團友起床特別早 , 所以大部份人都在沉睡著 ,
大概25分鐘車程 , 導遊一聲到了 ,
大家不其然往車外嘩 ......
眼前的花海真令人賞心悅目 ,
雖然沒有紅葉總算有花都唔錯了 .
導遊說公路較窄所以要趁天色未黑前便下山較安全 ,
我們衹停留 30 分鐘便離開 .
花卉之間都留有小路讓大家和花花影相 ,
但有些人為了影得心頭好 , 不惜踐踏花花 , 真缺德 .
好幾對新人影婚紗相 .
小朋友在這佈置上左搖右擺 .
全場衹得這棵樹有幾片紅葉 .
很多自駕車來這裡遊玩 .
回程時間 5 :20 天很快黑 ,
車行當中各團友聞到很濃烈燒膠氣味 ,
車好像出問題了 , 我們趕忙下車 ,
師機說可能車過熱 , 好彩剛停在小飯店附近 ,
司機不停用水噴去車軸 , 四個車軸都立刻霧出濃煙和膠味 ,
好像快要燃燒起來 , 好嚇人啊 !
擾攘差不多一小時 , 司機說可以上車 ,
大家都極擔心車會再出事 ,
但路途遙遠沒有其他旅遊車來接我們 ,
唉無法驚都要上車 , 大家都不敢閉上眼睛 ,
專注車程當中有沒有發生事故 .
環境好靚,不比外國遜色
回覆刪除環境真係好靚 , 可惜太陽已開始落山 , 有些地方影出來反白了 .
刪除好多花,好靚.
回覆刪除係好靚的 , 如果某些遊人能多點愛惜花卉唔好自私任意踐踏花卉就更加美了 .
刪除哈哈,我也去 " 增城 " 吃農家菜午餐 .
回覆刪除原來妳也曾吃過這裡的午餐 , 妳覺得好吃嗎 ?
刪除今年仲未凍,可能要遲到12月先有紅葉,
回覆刪除車有問題就要處理好麻,人命嚟呀 ! !
天氣好反常 , 導遊都估要到12 中才有紅葉 .
刪除架車冒煙真是可大可小 , 所以大部份團友都不願上車 , 但又冇其他車來 , 真是進退兩難 , 好彩最後都沒有再出煙 , 但還有輕微膠味 .
進行國粹比賽===>係咪打牌?XXD
回覆刪除花海真係幾靚喎,幾處風景都唔錯,可惜只能留半粒鐘
嘻嘻對呀 , 即是打牌 .
刪除花海真係好靚 , 通常跟團都係得好少時間睇嘢 , 哈哈除咗買嘢喇 .
天氣咁暖,好難有紅葉.
回覆刪除係呀 , 我屋苑會所有一棵樹每年都好紅 , 今年雖暖但佢早已轉哂紅葉 , 而且開始落葉了 .
刪除