昨天又是和家人聚會的日子 ,
今次是提早吃團年飯 ,
目的地是奧海城的 " 樂天客棧 "
名字都幾得意 , 這食肆開業衹幾個月 ,
主打菜式是南洋餸菜 ,
雖然距離吃團年飯的日子還有差不多10 天 ,
但環看隔離左右的客人大都是一家人來吃團年飯的 ,
我諗其中很多人都跟我們一樣想著試試南洋特式食品 .
我們想盡量試多幾款南洋食品 , 所以叫餸都叫小菜
我們7 個人被安排的枱子太細了 , 盛茶的水煲就太大 ,
出菜速度很快 , 使我們感到有壓迫感 ,
好彩餸菜份量少少好容易就清碟 ,
餐前小食是已去皮的蕃茄仔 ,
蕃茄去皮後茄肉稔稔的 , 還加了微酸的醋 ,
都幾特別但唔太啱口味 , 麻麻 !
店內佈置簡樸 , 我諗可能要配合南洋風味 .
我們的餸菜 :
酥炸海鮮油條
砂煲天麻黃酒雞
泰式炭燒豬頸肉
乾炒鴕鳥肉河粉
泰式海鮮炒米粉
黃金鹹蛋蝦球
薑蒽爆鱸魚片
家鄉滷元蹄
天麻藥膳豬肚湯
菜香鐵板豆腐
南洋參巴空心菜
鯪魚炒油麥菜
兩碗白飯
椰子西米露湯丸
三色桂花班蘭糕
家鄉滷元蹄( 盛物下面點了小火保持元蹄和暖 )
元蹄跟上海菜中的元蹄味道差不多 ,
元蹄個子很細小炆得稔滑唔太油膩 .
酥炸海鮮油條
油條裡釀了蝦膠來炸 ,
油條炸得很脆蝦膠鮮甜爽口彈牙 ,
跟來的醬料甜甜地微辣 , 配合一齊更好味 .
跟來的醬料甜甜地微辣 , 配合一齊更好味 .
蝦膠大大嚿相對油條就薄了少許 .
鯪魚炒油麥菜
鯪魚肉煎過切得薄薄來炒菜 ,
很有住家餸的風味 .
泰式炭燒豬頸肉
豬頸肉燒過後油脂唔多唔油膩幾好味 .
泰式海鮮炒米粉
米粉好似用了泰式辣雞醬炒 , 酸酸甜甜微辣很醒胃 ,
海鮮有魷魚 , 蝦和魚片, 配菜有雞蛋 , 芽菜 , 甜椒等 .
南洋參巴空心菜
南洋參巴是什麼材料不太清楚 , 醬料很濃味 ,
我衹吃到空心菜夾雜了很惹味的蝦醬 .
薑蒽爆鱸魚片
鱸魚本身味道較淡 ,
用上大量薑蒽爆香是最佳配搭 , 味道稍淡 .
乾炒鴕鳥肉河粉
鴕鳥肉口感跟牛肉差不多 , 但味道就相差太遠了 ,
但對不吃牛肉的客人來說也是不錯的代替品 .
黃金鹹蛋蝦球
我唔食蝦的 , 所以都係問相公吃後感 ,
他說蝦球炸得較乾肉質實了唔爽口 ,
蝦味被大量鹹蛋黃蓋上唔太鮮甜 .
砂煲天麻黃酒雞
雞件細細件全都是雞腿 , 雞肉混上香濃天麻氣味 ,
把黃酒香氣也奪了 , 味道唔錯 .
天麻藥膳豬肚湯
食材有瘦肉豬肚黑胡椒和天麻 ,
豬肚本身無味煲得很稔 ,
濃濃的天麻和黑胡椒把湯味提升起來 ,
喝後即感到身內暖和很舒服 , 真是寒冬不錯的湯 .
菜香鐵板豆腐
最上面的食材切得很幼細難於分辨是什麼 ,
衹看見炸菜粒冬菇粒還有好似肉碎 ,
配菜下面是豆腐 , 接近鐵板是未熟透的雞蛋 ,
雖是鐵板但送來沒有熱的吱吱聲 ,
豆腐表面輕輕炸過裡面質感像玉子豆腐 ,
但味道似超市盒裝豆腐 ,
調味料配合得好好 .
本來大家都已吃得飽飽 ,
但看見菜牌裡的甜品樣子頗為吸引 ,
叫了一客三色桂花班蘭糕和二客椰子西米露湯丸來試試 ,
三色桂花班蘭糕一客六件 ,
每件三層分別有椰汁糕 , 班蘭葉糕 , 杞子桂花糕 ,
除了班蘭葉糕其他二款經常都有得吃 ,
所以覺得沒有什麼特別 ,
我稍愛吃班蘭葉糕 , 除了顏色悅目糕身有少許煙韌有口感 ,
糕的甜度適中真不錯 , 家人知我愛吃甜點就讓我多吃一件 ,
謝謝家人對我的厚愛 , 大滿足 !
椰子西米露湯丸
兩碗送來大家不其言乜咁0既 ,
兩碗樣子都不相同右面很醜 ,
麻蓉湯丸煮得過熟 ,
裡面的麻蓉混在糖水中賣相大打折扣 ,
每碗衹有兩棵麻蓉湯丸 ,
湯丸食味跟超市貨品差不多 ,
糖水甜味適中西米極少 .
今餐餸菜整體上算唔錯了 !
難得你家人接受到外來野, 我家人就唔得啦, 一定係食廣東菜
回覆刪除對呀 , 所以我好開心 .
刪除菜式豐富,夠抵食!
回覆刪除每樣細細碟可以試多幾款又抵食 , 我地個個都頗為滿意的 .
刪除泰式炭燒豬頸肉和菜香鐵板豆腐好似唔錯呢^^
回覆刪除豬頸肉燒得剛好唔會乾巴巴 , 豆腐配搭的調味料很好味 .
刪除很豐富啊!明年一定更豐足!
回覆刪除大家咁話 .
刪除祝大家來年生活豐盛富足 , 樂也融融 !