前天我們一家人到位於尖沙咀 The One 的煌苑吃晚飯 ,
大概晚上 7 點鐘到達 , 酒樓開業幾個月佈置不錯 ,
但場面冷清清得幾枱客 .
第一次在酒樓吃這款烏卒卒小食 ,
雲耳加了微酸的鎮江醋 , 味道還可以 .
除了吃小菜還叫了晚飯組合 ,
包括有 : 螺頭雞燉湯和清蒸石班魚 .
燉湯食材頗為豐富 ,
有螺頭、淮山、杞子、瑤柱、瘦肉和雞 ,
湯味太濃稍鹹 .
清蒸石班魚 , 魚細細大概 14 兩 ,
肉質幾滑但冇咩鮮味 .
特價的京式片皮鴨
侍應姐姐把鴨皮連肉切下來 , 鴨身燒得唔太熟 ,
肉質稍韌冇咩鴨味 . 忘記影包片皮鴨的薄餅 ,
薄餅加了點點像肉的碎碎 , 味道比鴨肉還吸引 ,
我和可人兒不停地衹吃這薄餅 .
波士頓龍蝦伊麵
可能上次吃過澳洲龍蝦不久 ,
所以覺得這種龍蝦味道唔太鮮甜 ,
而且肉質都較實少許 ,
伊麵煮得太稔而且很油膩 , 好像加了牛油一樣 .
紅燒妙齡乳鴿 2 隻
哈哈我掛食後來才補影 , 少了幾件 ,
肉質一般燒得都係唔太熟 .
方魚肉碎粥 , 我沒有吃看樣子也不錯 .
方魚炒芥蘭賣相麻麻 , 兩樣食材都好硬 .
姬松茸海參豆腐煲
豆腐滑滑海參幾厚肉 , 味道一般 .
The One 人流唔算好多, 行 Jusco 都無咩人
回覆刪除對呀這裡都幾冷清清 , 又冇咩嘢睇 .
刪除人少少清靜啲都好
回覆刪除對食客來講唔錯 , 嘻嘻我替老闆擔心啫 >-< >_< >=<
刪除兩盞大吊燈好靚又光猛!
回覆刪除燈光有兩種顏色 , 分別有粉紅和紫色但色澤相近 , 就算轉咗色都唔太覺得 .
刪除最緊要可兒鍾意食。
回覆刪除好少燒鴨燒唔熟喎。
係呀難得可人兒鍾意食 , 因為其他嘢佢都唔想食0既 .
刪除我都係第一次見 .
睇來麻麻喎~
回覆刪除係呀 .
刪除格局太西式, 有點冷冰冰的感覺, 好像跟中式食物不太合襯.
回覆刪除我都有這種感覺 , 可能這樣佈置是專為擺結婚酒而設 .
刪除