" 海港 " 下午茶 + 元朗聽歌

昨日跳舞班放學後 , 

約相公到附近 " 海港酒家 " 飲下午茶 , 

因為疫情已好幾年沒有到這裡 , 

到逹酒樓差不多二點十五分要等位了 , 

我們願意搭枱所以好快便可入座 , 

場內熱鬧得很 , 今次叫了兩個孖寶 , 

其餘兩款見到同枱食客食得好滋味 , 

引得我們跟來叫試試 . 

孖寶每份 $ 32.8  

! , 鮮竹牛肉球+ 韮黃鮮蝦腸粉 

2, 黑椒牛仔骨 + 蠔皇鮮竹卷 

茶位 $ 10

雪山叉燒包 $ 26.8  

好幾年沒有吃過特別覺得好味 , 

饀料叉燒沒有黑點 , 面層雪山唔太甜好好味 , 

如果稍為熱少許更加好味 . 

山竹牛肉 

有馬蹄和芫茜好香又微甜有牛肉味 , 

黑椒牛仔骨

用芋頭墊底吸哂牛仔骨的油好油膩但好粉, 

牛仔骨蒸得過火 .

鮑汁鳯爪 $ 20.8 

腍度和味道剛好 , 花生炆得好腍 .

蠔皇鮮竹卷 , 外皮韌饀味道一般

鮮蝦腸粉 

每件腸粉包上一隻爽甜美味的蝦 .  

醬油調得微甜好味 .

.........................................

晚上七點半到元朗劇院演藝廳聽歌 , 

今次表演者除了一位嘉賓外 , 其他都是學生 , 

雖然不是專業但都唱得不錯 , 整晚沒有冷場共唱了 38 首歌 , 

有些是耳熟能詳的舊歌 . 

舒舒服服聽歌消磨整個晚上 .

好幾年沒有來睇表演 , 座位和地板都更換了 . 

我覺得這個佈景和歌衫好襯首歌 

( 檳城艷 )