" 海港酒樓 " 晚飯

閒來無事出省行下 , 

旺角從前街上拉購物車遊客絡繹不絕 , 

現在已不多見 , 至於花園街更加冷清得怪怪 , 

服裝店好似多了幾間新店 , 但睇衫的人甚少 , 

無聊得很到家品店看看 

( 花園街誇張講句無十間都有八間 ) 沒有收穫 , 

沒有看頭早點前去食晚飯 , 

到始創中心 " 海港酒樓 " 

晚飯時間剛開始 , 人唔多不用等位 , 

酒樓冷氣非常足 , 

菜牌上長腳蟹好抵 , 但對我倆來說份量太多了 , 

改食龍躉兩味 $ 328 還有燕窩燉蛋  $ 28 

晚芥位$ 15 點完菜開始好多客入座 , 

六點半已滿座了 , 門外等位的人開始愈來愈多 . 

鮑魚雞粒燴飯 $ 148

 熱乎乎夠鑊氣好香特別好味 

食材好多有 : 

5隻細細隻的鮑魚仔幾腍滑 , 

雞粒 , 蛋 , 瑤柱 , 蝦粒還有蔬菜粒 . 

龍躉兩味 , 魚味好淡較嚡 

蒸龍躉頭腩

都係好淡好多油 

還有甜品燕窩燉蛋  $ 28 忘記影影下來 

燉蛋距離這碟魚差不多半小時都沒有送來 , 

乾等冷氣凍得我騰騰震 , 催兩次才送來 , 

趕忙食燉蛋微暖唔好食 .

門外魚缸裡用膠樽入住的瀨尿蝦 , 

好似唔覺有人叫來食 , 

但長腳蟹就非常多枱客食 , 可能真係好抵 , 

目側起碼見到有 10 碟長腳蟹經過我的座位 .