深圳羅湖 " 蔡瀾點心 "

昨日再北上到羅湖跟進配眼鏡事宜 , 

因為第一次訂眼鏡架出了點問題 , 

今次重新揀新鏡架 , 而鏡片早已訂好 , 

今次衹是把鏡片安裝便可 , 

安裝大概要一小時 , 

我們先到附近 " 金光華 " 商場食晏 . 

蔡瀾點心店 

開放式廚房設在大門口 

茶位 6元

揀完點心服務員把漏斗放到我們枱上 , 

並且跟我們說點心會在漏斗未漏完前送來 .

青姜蓉雞肉拌飯 19 元 

制作像香港的盅頭蒸飯 , 

飯蒸得好爽口有飯香味 , 

青姜蓉好香配上雞肉好好味 , 份量也不少 .

酥皮山楂叉燒包 28元

非常熱的包 , 食的時候口裡覺得好燙, 

整個包好脆又香 , 

裡面的叉燒沒有肥肉又沒有黑點味道十分好 , 

跟上的山楂糕微酸甜 .

蔡瀾蒸點拼盤 36 元

淺黃色 = 鴨仔奶黃包非常流心又好燙咀 , 

綠色 = 黑松露鮮菌餃裡有蝦幾鮮味

橙色= 賽螃蟹鳯眼餃 , 蛋白加少許魚子作點綴 , 

裡面少量肉碎味道唔錯.

黃色 = ( 圖片係蛋黃鮮蝦燒賣 ) 

現在是沙茶醬牛肉餃, 

饀料的牛肉都幾鮮味 , 可能放涼了外皮較煙韌 . 

欖菜蒸鱸魚腩 33元

六件無骨鱸魚腩爽口又滑幾新鮮 ,

下面放著好滑的豆腐 ( 滑得像梗身少許的豆腐花 )

芙蓉雞湯小雲吞 33元 大概 20 件

每件細細雲吞皮包著一粒蝦肉好精緻 , 

湯味清清地唔錯還有少量雞粒和蛋絲 .

近結尾還送來冰凍山楂水 , 

微酸甜清潤山楂水好味 ( 免費的 ) 

今餐 161 元 ( 港元 177 )

 飲完再回到眼鏡店 , 眼鏡已完成安裝 , 

相公試戴上都冇問題 . 

我們又可以周圍逛下 , 食完晚飯才回港 . 

戲曲中心 " 峰波情未了 "

西九龍文化區戲曲中心大劇院

連續兩晚演出唔同風格的 " 峰波情未了 "  

星期六晚 " 粵曲傳承共嘗晚會 " 

星期日晚 " 藝術傳承音樂會 "

我看星期日晚 " 藝術傳承音樂會 " 

主角馮素波 , 海報上的馮素波樣子好淘氣 .

等候區攞放著花牌 , 可見她的人緣很不錯 , 

等候期間看見疑似前藝人溫柳媚 , 

雖然戴著帽樣子仍很靚 .

戲曲中心等候區好大 ,  

同時間可容納等入場的觀眾不會擠迫  , 

區內設計成階梯的模樣 , 入場的觀眾便可坐著等候 .

開始入場了

場內設計好靚7: 30 開始表演

杜大偉當司儀

主角馮素波出場自我介紹 , 

其實那麼資深藝人相信入場的觀眾一定認識 , 

原來她已80 高齡了 , 她行動氣量都很足 " 讚 " 

一出場連續唱三首歌 , 

第一首更是近尾是快得很 , 也不喘氣 , 

我唔記得歌名 , 雖然當高音時有少許吃力 , 

但以她的年齡就好叻了 .

接著下來幾位演出者 , 除了最尾年輕范明熙外 , 

其他大都是很久以前的歌星 . 

每位歌者出來唱三首歌 , 

另外還有二人合唱或一齊合唱都係三首歌 .

過場期間佈景放出她年輕的相 

馮素波妹妹馮素雲 .

表演嘉賓曉華雖然年紀也不少 , 但好夠氣 .

張慧都都係好好氣的 .

剛出道的范明熙

蒜子炆草菇

近幾年買餸菜 , 食物或其他用品 . 

無論超市或街市總是感到好煩惱 , 

每次總是比預期買多許多 , 

物品就可以留在家中慢慢用 , 但食物就變相夾梗食多些 . 

今日看見草菇都幾新鮮 $ 20 磅 , 

半磅 $ 15 咩道理呢 ? 

現實就係是必要買 1 磅 , 雖然多總好過半磅好唔抵 , 

好少見到帶葉的橙 , 

細問店員說國產 " 啫喱橙 " 

意思是橙肉質鬆軟非常多汁好甜 , 

平時甚少買橙因為唔識揀怕酸 , 

買來試下但又係要買一份四個 $ 28 

草菇唔留得太久為有煮哂 , 

洗淨把頂部介十字方便拖水讓菇裡的怪味流出 , 

再用蒜頭爗香煮十分鐘加鹽和蠔油調味 , 

豆胚好新鮮又好嫩$ 60 斤 , 豆胚乾身我衹要 20 文就夠 , 

但店員不停游說我買半斤 , 又要夾梗食了 , 

簡簡單單焯來食 , 

煲椰菜, 蕃茄 , 薯仔 , 洋蔥 , 紅蘿蔔, 豬展湯 .

飯後食剛回來所謂 " 啫喱橙 " 

我們習慣把橙頂切去用小匙來食 , 

肉質比外國橙腍但好多汁都幾甜, 

下次遇到都會買 .

........................

北上配眼鏡 

相公揀鏡架已發現有少許裂痕 , 

職員落單講明有問題要換另外一副新的 , 

但今日收到職員微信話 : 

工廠話鏡架沒有另外一個 , 

職員叫我們再上去揀另外的款式 , 

唉... 好煩我們決定星期二再去揀 . 

深圳配眼鏡 + " 客語 " 晚飯

" 桂滿隴 " 食完晏 , 

繼續第二個行程 " 配眼鏡 , 

相公的眼鏡已戴咗差不多三年 , 係時候驗下眼 , 

聞說深圳配眼鏡也不錯 , 

預早搵定 " 金光華廣場 " 隔離商廈 , 

有一間在三十幾樓的眼鏡店 , 

聞說這店佔地大概 6000 尺 , 

一入店看見林林總總眼鏡架擺設整齊 , 

令我眼前一亮竟然擺放大概十部按摩椅 , 

免費讓等配鏡客人享用 , 真窩心 ! 

攞完籌便可隨意試戴眼鏡架 , 

揀好鏡架便坐在沙發等叫號碼 . 客人也不少 , 

十幾分鐘後男驗眼師幫相公驗眼 , 

程序跟香港相同 , 完成驗眼又要等女職員報價 , 

又等了十幾分鐘 , 

女職員好耐心講解每種鏡片價錢和功能 , 

再約時間攞眼鏡用微信通知 , 大概二星期做好 

傳聞又話即日做好 ? 

我諗可能相公要求的鏡片唔算普通 , 

所以要多些時間 , 

落完單職員跟相公說可以幫佢免費做另一個側試

 ( 青光眼 , 黃斑點 , 白內障等 ) 

免費咁著數當然做囉 , 測完屬於正常 , 

滿意地離開 .

返回金光華廣場已六點多鐘 , 

搵地方吃晚飯 , 中午食過杭州菜 , 

晚飯就食客家菜吧 ! 又要等位 , 

在等位區一坐 , 便是半小時 , 

等待期間知客妹妹推著放零食的車仔 , 

問等位客要不要零食 , 枱上有水和紙杯就自便 .

開放式廚房設在門口 

終於可入座 , 大堂坐滿人 , 

我們被安排到房裡 , 

雖然燈光較暗衹有三張二人枱 , 坐得好舒服 .

紙巾 2 元 茶位 5 元

客家鹹香雞半隻78元

雞好瘦 , 肉鹹較嚡又多碎骨 , 

相公最鍾食雞但今次佢都唔多鍾意食 , 食唔哂 . 

客家蛋角煲 43元 

除了白蘿蔔和少許中芹外衹有蛋角六件 , 

湯完全沒有味

 蛋角好有蛋香裡面肉都係好淡 

蘿蔔條都係沒有蘿蔔味淡茂茂 .

鮮花椒葱油鱸魚89 元

魚好新鮮肉微爽滑 , 伴碟勝瓜非常嫩甜好味 , 

但略嫌花椒太辣了. 

今餐220元 ( 港元 241 )

深圳 " 桂滿隴 " 食晏

傳聞大量市民從落馬洲口岸過關 , 

再到其他深圳地區消費 , 我和相公都想過去看看 , 

昨日早上先乘巴士經元朗到落馬洲過關 , 

途中每停站都有人上車非常擠迫 , 

好彩我們在總站上車有位坐, 

其他人衹好站著到落馬洲總站了 , 

大概一小時便過關到福田地鐵站 , 

乘地鐵到羅湖 " 金光華廣場 " 

今次行程我們做了 " 三等 " 人 

( 等食晏 , 等配眼鏡 , 等食晚飯 )

人流甚多有如假日 

這間超市佔地很廣 , 

行過路過當然要入內八一八 , 

貨品跟香港明顯有分別 , 林林總總的蔬果非常吸引 , 

看見新鮮葉子躺在串茄紅紅頂上好吸引 , 

買些回家今天才影相 , 葉開始謝了 ,

 剛吃了一半微酸好有蕃茄味好新鮮 , 

雖然價錢比香港百記超市貴 , 

但個子較大許多 , 我們用微信付款非常方便 , 

掃一掃帳單送出自動折算成港幣滙率 . 

還買了紅棗糕

再上多兩層樓到 " 桂滿隴 " 食晏 , 

場面有點令我驚嘆 , 

曾幾何時香港食肆也出現這種等位情況 , 

但店安排等候區之外還有白開水供應給等位客 , 

還有少許零食給大家解悶 , 

概嘆香港食肆真要加把勁加油啊 ! 

除了店前等候區 , 

還有小卡位讓等位客安在這裡等 , 

一下子就等45分鐘才輪到我們 .

解悶小零食

坐在卡位等候區都不會悶 .

門口設有開放式廚房

茶位  5元 紙巾 2元

香茗綠茶餅 6元 兩個  

好香脆中間位置的饀疑似薯蓉微甜 .

吮指雞爪三隻  18元 

腍度適中 , 醬油較濃稠味道唔錯 . 

黑松露脆皮豆腐 25元 

我吃不出黑松露香味 , 

但吃到鬆軟脆脆外皮好香, 

裡面豆腐好滑有如較杰身的豆腐花 ( 讚 )

招牌手工現炸糖醋里脊 35元

熱辣辣好香口 , 肉好滑外皮微甜 , 

裡面的肉好似用豬腩肉中間段帶肥油部份制作 , 所以好腍滑 .

雞汁浪里白條 59.9 元 ( 半條 ) 

沒有標明是什麼魚 

雞汁看樣子似雞油 , 下面燃著微火 , 

近魚尾骨好細小又多 , 

慢火中的雞油愈煮魚就愈好味 , 

魚肉微爽口好滑 , 又好新鮮 .

現炖雞湯陽春麵 19.9 元

完全沒有味等同齋麵 .

今餐共 175元 ( 港元193 )

昨日是萬聖節 , 

商場唔見有特別佈置 , 

那麼放個稻草公仔應節一下 !