花卉展覽 ( 下 )稻香 ? 晚餐

續 : 花卉展覽 ( 上 )

場內有蓋較大型的表演場外 , 

還有這小型表演區 , 沒有坐位所以觀看的人甚少 .

天色已晚係時候找地方食晚飯 , 

近近地到皇室堡商場看看 , 

電梯旁邊廣告五樓 " 迎喜 " 酒樓 , 

懶得再搵了 , 就呢間喇 ! 

可能時間尚早不用等位 . 酒樓佔地也大 , 

門口接待指直入行到最尾 , 

直入没有人理會我們 , 

行到尾有侍應先生說 : 你地自己搵位坐喇 ! 

我們是旦坐下來剛好坐正對住沖茶房 , 

講了咩茶 , 侍應先生已無影踪 , 

自助滾水機自己沖茶 , 

畫好菜牌搵侍應入單 , 好難才找到人落單 . 

我們叫了龍蝦孖寶 $ 458 

另外加椰香南瓜芋頭煲 $ 108 

茶位$ 15

等食期間看隔離左右客人自由出入沖茶房洗嘢沖水 ,

 倒唔要的食物到停在走廊的車仔裡 , 

感覺在這裡吃飯好似在家中那麼自由自在 , 

所以我們的骨碟滿冇人換碟 , 

我們也跟其他客人一樣自己倒入車仔裡 , 

上湯澳洲龍蝦配伊麵 ( 推廣 )

龍蝦份量都不少 , 味道也不錯 , 

椰香南瓜芋頭煲 ( 推廣 ) $ 108 

面層全是芋頭好粉容易飽肚 , 

下面衹有幾片南瓜 , 有點伏了 

濃湯花膠雞 ( 推廣 ) 有七件花膠 , 

煲完湯的雞仍有雞味 , 湯好濃偏鹹 .

食完飯到近門口的收銀比錢 , 

看見單上寫著 " 稻香 " 

吓 ............我地明明睇見係 " 迎喜 " 喎 , 

點解係 " 稻香 "  ? 

我對稻香沒有好感 , 

十年前曾在某區的稻香幫襯過幾次都有些間題 , 

覺得好似同我唔夾的 , 

所以往後從不再幫襯了 !