又開年

年初一開始寒流襲港 , 每天都凍到 tan tan 震 ,

今天終於有少許陽光可以出街行下 , 62 又話想食開年飯 ,
趁著天氣暖了很多 , 今天便聯同62和相公三人 ,
一齊又到上水金香漁港海鮮酒家吃 62 最鍾意的龍蝦 .
今日係年初五理應酒樓都好旺的 , 但客人衹有大概六成 ,
新年到酒樓食飯一啲都唔化算 , 菜式選擇非常少之外 ,
價錢比平時貴但食物質素又唔太好 .











瑤柱貴妃雞半隻味道一般

北菇紅燒豆腐 , 北菇數量很少 ,
而且已開邊炆但仍然很硬 , 豆腐好滑唔錯的


京蔥爆羊片全無鑊氣可言 , 羊片很韌又淡而無味 .


上湯焗波士頓龍蝦伊麵底 , 伊麵少得可憐 ,
我唔食龍蝦0既 , 聽相公講龍蝦肉質很削而肉少 ,
可能養在魚缸太耐 " 瘦哂 "


瑤柱海皇羹這味湯很怪 , 其他餸嚟齊最後才出場 , 整兜湯稀稀的 ,
食材少唔在講 , 連最平的豆腐粒都少得超可憐 .