三寶齋

我和相公遊覽完道風山 , 返回繁囂的沙田城市廣場 ,

廣場裡人潮如湧 , 逛街的腳步也急促起來 , 

轉眼又到吃晚飯時間 , 新年期間吃肉類太多 , 

今餐轉轉口味吃齋 , 我們到沙田廣場的三寶齋吃晚飯 , 

人很多要等位大概十分鐘 , 便可以入座 , 

我們被安排到最後的一個卡位 , 我滿心歡喜今天真好彩 , 

如果唔係前面等位女士話唔想坐 ,

我諗唔知還要等幾耐才可以有位 , 

當我滿心歡喜坐定定叫埋餸菜 , 

才領略到為何那位女士不願意入座 , 

我們卡位在舖內最後的位置 , 

空調作用簡直微乎其微 , 我是不大怕熱衹怕冷 , 

但今次熱到我好渴望有把風扇 , 

全店所有用過的枱布 , 全都是雜亂無章地 , 

亂掉在我們卡位旁邊的枱上 , 

使我們坐得很不自然 , 相信那位不願入座的女士 , 

係熟客是知到這種情況 , 所以情願耐些要其他座位 , 

等食期間熱到我和相公 , 很想快點送食物來 ,

讓我們速速食完離開 . 

我們很少到齋舖吃東西 , 所以唔知叫乜嘢食 , 

是是旦旦叫了碟羅漢齋麵 , 麵炒焦燶了苦苦地 , 

仲超多油 , 又淡而無味 , 配菜衹得少許 . 

嘻嘻 ! 相公話我炒得好過佢好多 , 真係開玩笑 ! 

蛋白腰果炒飯 , 賣相都算唔錯 , 但又係超多油 ,

整碟炒飯肥膩不堪 , 感覺好似食緊海南雞飯的油飯一樣 ,

本來我們因為新年期間食得太肥膩 , 

所以到這裡吃齋清清腸胃 , 現在反而增加更多油份 " 差 "

食物咁肥膩唔敢食咁多 , 本想叫些點心來吃 , 

但這裡熱得要命 , 倒不如買回家宵夜 , 此地不宜久留 .

內容我唔明得哂 , 但覺得佢寫的字好靚 . 

芝麻卷唔太甜 , 無乜芝麻香味 , 

另外兩件餅非常差 , 乾巴巴又硬 , 

好像擺放了好一段日子 , 超難食 !