Star Light Garden VS 無事出街少破財

今日到沙田新城市廣場逛下 , 

廣場的聖誕節佈置還未拆卸 , 印象好似跟去年差不多樣 .

這裡無論任何時刻都係人山人海非常熱鬧 , 購物的人也不少 , 

但大多數購物都是拉著購物車的國內遊客 .  

佈置場地內有好幾個好像水晶球的物體 , 

每個球內都放了水禾田的攝影作品 , 

其中這個球內還有水禾田對自己相片場地簡介 . 

球內有三段文字 , 第一段文字如下 :

水禾田介紹得咁壯觀 , 我們當然不會錯過 ,

六點鐘開 show , 唔行街住 , 先搵睇燈飾場地在那裡 .

 

 從這裡上七樓商場

Star Light Garden 場地位於商場七樓外面的平台 ,
雖然還未夠鐘 , 但主辨單位提早十分鐘比遊人入場內看看 ,
這個平台我從來都未踏足過 , 觀景都幾開揚 ,
可以看到沙田大會堂和遠遠的高樓大廈 .

 好像迷你哥爾夫球場 .

六點鐘才開 show , 地上舖滿了很多細小的 LED 燈泡 , 

主辨單位好似話場內有 10 萬個燈泡 . 

 開 show 了 , 

全場的燈泡一齊亮著 , 都好壯觀 !

除了藍色燈泡亮著之外 , 

不時還有白色燈光從每行藍色燈泡處閃動飊過 . 

 Star Light Garden 燈飾 show 大概十幾分鐘 . 

散場後人群開始排隊慢慢離開 , 

趁著還未到我們 , 便在這裡影多兩張相 . 

 睇完 show 繼續周圍逛 , 一 x 百貨正減價 , 

孖人牌廚具售貨員正在示範用鑊炒餸 , 

他很純熟地示範個鑊炒極都唔黐底 , 睇睇下我地就買咗個鑊 , 

回想起去年又係差不多呢個時候 , 同一個情景之下 , 

我地買咗個生鐵皇鑊 , 當時的示範都係唔黐底 , 

但唔知點解我用就完全失控 . 我們這幾年已買了好幾個鑊 , 

如普通不鏽鋼鑊、Buppalo、陽極鑊、生鐵皇等等 , 

都係好唔理想 , 希望買埋今次可以用上幾年 . 

買完鑊繼續行其他店舖 , 突然有位售貨員姐姐行埋嚟睇我們盒鑊 , 

哦 , 你地買0架 , 萬X有得換喎 , 吓唔係亞嘛 ! 

立刻到附近的萬X看看 , 真係可以用印花再加錢 , 

便可以換一個 36 cm  玻璃蓋的孖人牌鑊 , 

哎呀好彩 ! 唔係我地買的28 cm 配不鏽鋼鑊蓋的鑊 , 

如果係就唔抵了 , 但再諗下就算係都冇乜所謂 , 

因為起碼 30 個印花再加錢 , 在萬X 都幾難買咁多嘢換印花 , 

但國內遊客就容易 , 他們買很多嬰兒奶粉 , 

仲見到佢地有人換咗個 36 cm 鑊 , 

知到唔係自己買的型號和 size , 又高高興興繼續周圍 hea .

行到攰到魚米家食嘢 , 叫了兩客套餐 , 

魚腐泡飯和方魚肉碎泡飯

熱華田、咖啡和油菜

滷水豆腐

 魚腐泡飯食完過咗大概二十幾分鐘 , 已經開始口渴 . 

方魚肉碎泡飯 , 肉碎超多肥豬肉 , 全部浮哂上湯面 . 

回家第一件事就係攞隻鑊嚟睇下先 .

 包裝都幾應真 , 好似買手袋一樣 , 用袋分別把鑊和蓋包住 .

買鑊除減價外 , 還送一把價值 $ 269 元的瓜刨.