iSQUARE 江順河鮮團年

時間過得真快 , 轉眼還有兩星期便是農曆新年 , 

今天我們一家人提早食團年飯 ,
一行七人到有到尖沙咀iSQUARE國際廣場25 樓的江順河鮮食晚飯 . 









今次我們的餸菜有 :
老火湯野葛菜煲生魚湯
順德大林哥魚一條
金牌銅盆蒸污糟雞半隻
順德大良炒鮮奶
西芹蝦醬焗魚卜煲
順德 " 了能 " 三太公
啫焗芥蘭煲
北菇紅燒豆腐
飯後甜品黃金崩沙



很喜歡這裡的食具 , 每位都有自己的公筷 , 非常方便 .

餐前小食牛耳和仁腍
我又發揮一下師奶本色食得唔好嘥 ,
食哂啲牛耳 , 味道唔錯幾脆衹是稍為梗了少許 , 
仁腍很梗又唔酸又唔甜味道很怪 , 棄權嘥都無法 . 



老火湯野葛菜煲生魚湯很濃味 .



例湯材料很豐富



















順德" 了能" 三太公
這款餸是把鯪魚滑做三種餸
1 . 鯪魚滑釀青椒 , 我怕辣唔敢食 .
2 . 鯪魚滑釀蓮藕 , 兩片蓮藕用鯪魚滑連起來再煎 ,
都幾了能 , 蓮藕仍然爽的魚肉彈牙 .
3 . 酥炸鯪魚球 , 鯪魚肉外面黐上米粉仔才炸 ,
外面粉仔很脆 , 魚肉都好彈牙 , 這款我最鍾意食 .

啫焗介蘭煲
這味餸用蝦醬煮的 , 全煲都係介蘭的主幹非常爽口不錯 . 



順德大良炒鮮奶
聞說是順德最出名的餸 , 炒得非常嫩滑又唔覺肥膩 ,
配料除了蝦仁外還有碎帶子 , 味道很鮮 . 



順德大林哥魚
點菜的時候侍應先生帶姪女出去魚缸睇河鮮 ,
魚缸內的魚都幾生猛 , 侍應先生看到我們人唔太多,
推介這種大林哥魚 , 價錢係 $ 20 元一兩 , 這條魚剛好一斤重
這條魚蒸得唔錯肉質爽口冇乜幼骨 , 以河鮮來說味道唔錯 ,
但當然沒有海魚咁鮮味了 . 



西芹蝦醬焗魚卜煲
這味餸用瓦煲盛著送到枱上 ,
仍然啫啫聲熱辣辣更令餸菜加分 ,
蝦醬把魚卜的腥味辟去味道剛好 .



金牌銅盆蒸污糟雞半隻
他們用金牌做菜名 , 相信係是該店出名的 ,
看到很多枱客都有叫這味餸
用銅盆盛著雞嚟蒸我和相公也曾在令一間食肆食過  ,
所有雞肉連骨但肉質稍為梗身 . 但這間食肆制作好唔同 , 
他們把雞起肉醃好放銅盆內加埋配料 ,
再用鍚紙包著整個銅盆才去蒸原汁原味 , 
雞肉非常滑味道真好 , 不愧是這裡的金牌餸 .



可人兒好似高咗 ,
其實相距上次見面都唔係好耐啫 , 又會高得咁快0既 .

飯後甜品黃金脆崩沙
唔係幾脆稔稔地
仲好似食到一些怪怪地的味道唔合格 .

食完飯我們到超市買少許東西 , 
呵呵 ! 可人兒看見車車好開心 , 梗係要推玩一陣先喇 ,
小朋友真係好容易滿足 , 笑得幾咁開心 ! 



推完車車, 係時候坐返自己架車車回家了 . 



臨走還向我們嚟一個飛吻添 .

徇眾要求 encore 多次添 , 哈哈可人兒出年見啦 !