鴻星海鮮酒家晚飯

約了相公家人到彌敦道華源大廈的鴻星海鮮酒家吃晚飯 , 

這間酒家位置距離香港藝術館路程不太遠 , 

所以我和相公吃完晏 , 便提早出省順道去香港藝術館逛逛 . 

我們一行七人到達華源大廈 , 大廈外貌已很陳舊 , 

當我們進入該大廈 , 才發現酒家在一樓 

但沒有電梯直達酒家 , 我們要拾級而上兩層超過十級的樓梯 , 

未吃飯就先做運動 , 我們有一老一少還有可人兒的私家車 , 

看到 62 徒步上樓梯都有點吃力 . 我們從未幫襯過這間酒家 , 

網上看到他正推廣晚飯用某銀行的 visa 咭就享有九折優惠 ,

而且酒家招牌寫著石頭魚專門店 , 我們當然想試下他的招牌菜 ,

問侍應哥哥石頭魚的價錢 , 都幾貴但諗住一場嚟到都試下 , 

就清蒸一條兩斤重的石頭魚吧 ! 

但侍應哥哥話石頭魚肉很少 , 我們應該唔夠食要大許多才夠食的 , 

魚肉那麼少太唔值得試 ,  當我們點好了餸菜 , 

順便問下侍應哥哥是否晚飯用某銀行的 visa 咭有九折 , 

他說並沒有這回事 , 但網上和酒家門外的牌上都係咁寫 , 

侍應哥哥總是搖頭說沒有 , 後來他說出去問問 , 

一去就很久才回來說有的 , 但態度好像本來冇0架 , 

不過都比你地喇 , 真令人有點氣結 . 

今晚餸菜有 : 

海味雜菜煲

蔥蒜中蝦

焗桶蠔 ( 一桶 ) 

砵酒牛仔扒

酒釀白金鴨 ( 半隻 ) 

石頭魚湯米線

魚卷隻輝

紅糟鮮魚蒸豆腐

白飯

可人兒冇見幾個月長高了 , 

剛坐下來便開始畫畫 , 畫乜就要佢自己才知道 .

酒釀白金鴨 ( 半隻 ) 我們有少許懷疑這隻鴨係 BB 鴨 , 

份量實在太少 , 相公話都幾好味肉質唔嚡口 .

蔥蒜中蝦

蝦肉幾鮮甜但蝦殼很硬容易刺到手指 .

焗桶蠔 ( 一桶 ) 蠔旁邊的肉焗到有少許脆脆地非常好味 .

石頭魚湯米線賣相麻麻

食材大概有 : 

鮮冬菇和一些切碎分辨不出係乜嘢菇 , 還有芽菜等等 , 

湯味道一般 , 我覺得大眼雞魚湯比它更鮮甜美味 .

海味雜菜煲

美其名係雜菜煲但蔬菜很少 , 反而粉絲較多 , 

海味衹有少許魷魚條 , 大隻蝦乾和少許瑤柱絲 .

紅糟鮮魚蒸豆腐

味道都幾鹹 , 食唔出鮮魚的味道來 .

砵酒牛仔扒

賣相奇差烏卒卒難看極了 , 他們說都幾鹹的

魚卷雙輝聞說是酒家的招牌菜式 , 

我諗佢的制作方法是把黃花魚起肉再卷起來泡油至熟 , 

魚頭和魚尾就炸 , 但看樣子炸得唔夠脆 .

魚卷幾滑但吃起來稔稔地冇乜魚味 .

自己食飯真係好乖 .

可人兒愈大愈多表情 , 引得我哈哈大笑 . 

飯後送糖水 , 材料很特別 : 

有眉豆、紅棗、黃耳和雲耳等 , 味道怪怪地唔啱食 .

這間酒家的餸菜每碟都很袖珍 , 

價錢都不便宜 , 連一個咁細小朋友都要收茶錢 , 

侄女話他們曾去過好幾間酒家 , 都不會收咁細小朋友茶錢的 .

可人兒嬌俏起來 . 

茶餘飯後記 : 

1 . 這間酒家以今時今日的服務態度 , 似乎已經過時了 , 

他位處於旅遊區裝修已非常舊 , 

他把一些生的食材擺在酒家入口處 , 

例如 : 活生生的蟹和所謂的日本蜆沒有用水浸著 , 

唔用水浸著 , 衹用保鮮紙包住 , 很懷疑早已仙遊了 , 

還有一些已煮熟的釀海參也擺在門外入口當眼處 , 

雖然是分開枱擺放 , 但心裡總是覺得不太合衛生 . 

2 . 還有一樣很奇怪的舉動 , 我們坐下不久 , 

餸菜未叫 , 凳也未坐暖 , 

便有一些服務員用手推車推著一些禮盒食物推銷 . 

3 . 另外一個怪舉動 , 晚飯期間 ,

服務員久不久拿著一些已煮熟餸菜埋嚟推銷 , 

很怪哩 ! 為何要煮熟 d 餸菜嚟 hard sell .