屯門 V city 越悅晚餐

今日放學約埋相公到屯門逛逛 , 

最主要到新開不久的 Vcity 看看 , 

我們乘西鐵到屯門 , 出閘剛好是通往 V city 的通道 , 

商場內部光線充足 , 大部份商店都是剛開張不久 , 

門前總是放了插著鮮花的牌子 , 陣陣花香傳來很舒服 , 

每次新商場開幕 , 內裡店舖和食肆來去差不多都是那幾間連鎖店 ,

我們周圍逛 , 當然包括我鍾意行的超市一田 ,

呢間一田面積比沙田新城市廣場嗰間細 , 

所以稍為看看便離開到其他地方 . 

可能商場剛開張不久 , 很多人都好奇來逛逛 , 

包括我倆為食貓 , 這裡食肆可真多 , 

我們選定晚餐吃越南食物 .

很多遊人坐在那裡歎冷氣 .

行過這間 " 越悅 " 裡面都算幾多客人食嘢 , 

我諗食物唔會太差卦 ! 

我們在門外等入座之時 , 

看到食完嘢的客人是到門外櫃位比錢 , 

而且仲全日免收加一 , 怪不得咁多人幫襯 . 

我們叫了兩個套餐 , 

 相公食咖喱牛脷配紅米飯 , 我食越式雞絲湯河 , 

再叫了越式蒸粉包 , 

但落完單侍應回來說 , 暫時未有越式蒸粉包 , 

真奇怪這款小食好多越南店都有0架喇 , 

餐牌上明明寫著有 , 現在又話冇得供應0既 , 

再看餐牌上的小食 , 款式唔太多沒有什麼想食 , 

算嘞 , 求其叫了越式炸春卷 , 另加 $ 6 一碗生菜 .

咖喱牛脷配紅米飯 

相公都係嗰句 < 好食 > 牛脷幾稔滑 , 

得一小嚿薯仔 , 我本來很鍾意食 , 

但實在太細嚿 , 我衹食少許試試 , 

 薯仔好入味微辣很香椰汁味 .

超多椰汁紅豆冰 

紅豆得少少 , 另外一杯熱柚子蜜都是稀稀的 .

越式雞絲湯河 , 味道一般 . 

另加$ 6 一小碗生菜 , 

 油都冇滴 , 又冇鹹味夠健康 .

越式炸春卷味道一般 , 好彩熱辣辣 .

食完嘢我們試下從另外的出口到外面 , 

這出口少人得多 .