BBQ

今天好友攪了一個很難得的BBQ 聚會 , 我們剛好 10個人 , 

齊齊燒嘢食和吹吹水非常開心 , 轉眼幾小時便過去 .
期間也講到最近幾個月以來甚多傳媒都爭相報導 ,
明年12 月21日將會是世界末日 .
理據眾說紛紜 , 無論是否屬實 , 就要等待時間來證明了 .
有位好友話齋每年做冬至都梗係12 月22日的 ,
哈哈 , 我們個個齊聲都話幾大都提早啲食冬至飯 ,
係末日都要食飽啲才走 . 




很久没有用這種叉燒嘢食 , 
已是十幾二十年前的事 , 今次再用覺得份外好味 .
哈哈 , 我疏於練習 , 連條香腸都燒到爆咗 .

BBQ 食物非常豐富 , 但掛住食唔得閒影相了 , 
好友真係招呼周到 , 除了準備燒烤食物 ,
還煲了一大煲西米紅豆沙 ,
我今次係第一次食西米紅豆沙,
真係好食過齋紅豆 , 滑滑地好味 .
一下子食咁多嘢落肚超飽呀 !


我就食飽飽 , 但都要陪相公食晚飯0既 ,
不過實在太飽了 , 求其食碗皮蛋瘦肉粥 ,
相公就食羊腩煲 , 呢間食肆都唔知係咪太好生意呢 ?
羊腩煲通常都會有個爐仔興住0架嘛 , 但今天久奉 .

好彩相公話這煲羊腩煲好好食 . 
還有唔夠一個鐘便踏入2012 年了 ,
祝各位網友新年快樂 ! 身體健康 ! 笑口常開 !