肇慶兩天遊 ( 遊星湖 )

續 : 三水金裝大臥佛

參觀完金裝大臥佛 , 本來跟住到今晚留宿的星湖酒店 , 

但酒店未收拾好房間 , 導遊妹妹唯有帶住我地班鴨仔 , 

前去七星岩牌樓逛下 , 導遊妹妹突然提出 , 

問我們有冇興趣自費坐船遊星湖 , 但起碼要超過8 個人才開船 , 

反正一場嚟到肇慶 , 遊湖都不失為一個好節目 , 

但有些團友就揀去行街街 , 最後都有35 人遊湖 , 

導遊妹妹話跟團遊湖費40文人仔 , 

如果自己遊湖就 50 文人仔 , 

遊湖需時半小時 .

我們35 人跟住導遊妹妹來到遊湖船碼頭 . 

25座位遊湖船

10座位遊湖船

60 座位遊湖船 

我們衹有35人上船 , 他們都立刻開船 .  

這艘船算坐得好舒服 .

遊湖船上的導賞員正在介紹湖邊景物 , 

她說整個肇慶房屋都係圍住個湖建築 , 

湖邊設有休閒設施 , 稱之為綠道全長19 公里 , 

但衹有一段路係供市民散步 , 再要進入風景區 , 

就要60 文人仔才可進入 , 風景區內有些康樂設施 . 

除了坐船遊星湖 , 如果夠腳骨力還可以租單車遊湖 . 

星湖牌坊公園 , 星湖係半人工湖 . 

圓形樓高 35 層的建築物 , 是我們今晚留宿的酒店 , 

29 樓係旋轉餐廳 , 今晚的晚餐和明早的早餐 ,

我們都在這裡吃自助餐  . 

正在興建當中的建築物是肇慶最高的 , 樓高 42 層 .

前面艘遊湖船把湖水掀起浪來 , 

好彩我們的船夠大隻好穩定 .

肇慶的青年男女一啲都唔落後 . 

導遊小姐介紹這堆小山丘 , 

左手面胸部微隆起係仙女 , 右手面係大佛 , 似唔似呢 ? 

這角度睇都有少許似佛像個頭 . 

嘻嘻 , 這個角度比較似女仕 .

星湖也是國家訓練划艇基地

鼎湖山景區

好快就遊完湖 , 

我們成班人又跟住導遊妹妹行去留宿酒店 

 

我們從七星岩公園沿著行人隧道 , 

再行大概十分鐘就到達酒店 . 

星湖酒店位於大街上 , 行街購物非常方便 . 

呢度都興聖誕佈置

酒店大堂

電梯入口

房間好大 , 連洗手間都好大 . 

洗手間大到就咁放個大浴缸 . 

仲有企缸

衣帽間有夾萬 .

我地住15樓 , 在公共地方可以看到大街和湖景 , 

這些相係第二日早上陽光普照時影的 .

馬路中間有個噴水池

晚上6點鐘到29 樓旋轉餐廳食自助晚餐 , 

今晚食嘢要食快 d  , 

因為要趕去七星岩廣場睇音樂噴泉表演 , 

8 點鐘開始需時 20 分鐘 . 

待續 .......