肇慶完結篇( 大灣麥溪魚宴 )

續 : 湖邊悠遊

我們所有團友都非常準時 11點半便交門匙咭 , 

跟住齊集在酒店大堂等上車 , 

導遊妹妹跟我們說部車又出了點問題不能開動 , 

大家聽到這個壞消息都很擔心 , 

事緣昨天部旅遊車已開始有點毛病開動唔到 , 

好彩當時距離酒店路程唔太遠 , 

所以我們成團人徒步前去酒店 .

但我們的行李大都放在旅遊車的行李柜內 , 

但車上的師傅 ( 司機 ) 又唔願意落車 , 

把行李柜打開給比我們攞行李 , 

他堅持再試多幾次開動架車 , 

擾攘一輪才勉強打開行李柜 , 

當時各團友已經唔多高興 , 現在又再次出現問題 , 

雖然導遊妹妹說昨晚已經冇事 , 

 但師傅今早又為何不能開動呢 ?

導遊妹妹話師傅現在攪緊 , 

乜唔係修車師傅修理架車咩 , 

大家都很擔心勉強開到架車 , 

 回港車程要三個半鐘才到達深圳 , 

萬一在高速公路中途死火 , 

那麼我們就非常狼狽了 , 雖然大家都很焦急 , 

但都係冇用 , 因為都唔知師傅和架車係邊處 , 

唯有繼續等 , 等到 1 點鐘還未有消息 , 

導遊妹妹都係嗰句就嚟 , 

但大家都希望嚟0既係另外一部旅遊車 , 

 終於旅遊車來了 , 但已經 1 點半 , 

又係嗰部壞壞地旅遊車 , 大家都希望上天保佑架車 , 

千萬唔好在途中發脾氣唔郁就好了 . 

本來午飯係大概 12 點鐘食0既 , 

但現在已經差不多 2 點鐘 . 

唔知湯裡面係乜嘢材料 , 

 總之味道就係怪怪 , 試少少好嘞 .

石鍋豆腐

魚子煮冬瓜

白切走地雞

什菌南瓜

清蒸 BB 鯇魚

炒蛋味道唔錯 , 

但食食下 , 食到裡面有疑似魚內臟0既嘢 , 

超高膽固醇唔敢再食了 .

蒸鹹魚

清煮黃芽白

食完整頓飯就衹有呢個大餅最好食 , 

熱熱地裡面有蓮蓉幾好味 .

睇嚟所謂正宗大灣麥溪魚宴 , 唔多啱我口味 . 

食完飯又立刻上車去埋肇慶裹蒸粽制作工場參觀 .

好大隻裹蒸粽 

工人正在裹粽 .

部份團友等緊試食裹蒸粽 , 

 我和相公費事等 , 轉去另外間房睇嘢 . 

成排都係裹蒸粽 

包裝得好似糖果咁靚 , 款式又多 .     

   

又話參觀裹蒸粽制作工場 , 

 我覺得似去參觀迷利超市多啲 . 

 

我和相公都未食過肇慶裹蒸粽 , 

今次都買了一隻瑤柱三寶裹蒸粽和一隻傳統裹蒸粽回家 . 

買完嘢上返旅遊車回港 , 

真係好好彩部車竟然可以捱到深圳灣 . 

今次旅程值得一提係 , 服務區的洗手間 , 

第一日我們旅遊車行了大概個半小時 , 

到達下面這個服務區就停係呢度 , 

讓團友落車去洗手間或鬆下腳 , 

通常這些洗手間都係唔多清潔 ,

所以我每次都盡量唔會入去 , 

今次聽到回來的團友嗰嗰都話洗手間好正 , 

所以回程我都入去八一八 , 果然清潔唔在講 , 
洗手間好大而且水喉開關掣都好新淨 , 

燈光照明又充足 " 讚 " 

仲有間很大的餐廳 , 

不過似食堂多  d , 裡面一個客人都冇 . 

----------- 完 ----------