肇慶兩天遊( 湖邊悠遊 )

續 : 遊夜市

瞓醒立刻打開厚厚的窗簾 , 

噢 ! 好嘢陽光普照 , 唔好嘥咗咁靚0既太陽 , 

雖然酒店床舖和設備都很舒適 , 但我好想再到湖邊散步 , 

趕快在旋轉餐廳食自助早餐 , 跟住到湖邊散步享受陽光 .  

先吃點皮蛋瘦肉粥

早晚餐都有很多蔬菜 , 非常啱我口味 . 

茄汁黃豆好好味 , 炒飯都炒得好爽口又唔多油唔錯 . 

攤位本來有很多乜丸物丸 , 但最近吃得太多肉 , 

衹選了鮮冬菇、秀珍菇和生菜配河粉 , 清清地味道都可以 . 

昨晚自助餐吃過這兩款撻好好味 , 

又食番兩個先 , 還有沙糖桔好甜 . 

成個星期 , 天色都係陰暗又落雨 , 

現在咁好天 , 曬下太陽人都醒神好多 .

 我們沿著湖邊散步 , 曬太陽好舒服 , 

沿途都看到很多市民在漫步或踩單車 , 生活非常寫意 . 

沿著湖邊的公園 , 除了行人路還有單車徑 , 

但好怪異這裡的市民 , 好似興把道路用途互用 , 

行人路上有很多單車駛過 , 相反單車徑又好多人行過 , 

他們好似習慣互相包容對方 , 全無抗拒 . 

昨天遊湖船的導賞員曾說過 , 

這些是有錢人的別墅 , 對住咁靚0既湖風涼水冷 , 

我諗唔係太多地方有咁大個湖邊起屋了 . 

一個人划艇仔好似寂寞少許喎 . 

整個荷花池的荷花全都枯萎 , 

唯獨這兩朵花開得咁燦爛 , 相信當夏天來臨又有另一番景象 . 

其實我都唔識分這些花係荷花定係蓮花 . 

遠處傳來很大的音樂聲 , 

聞說國內居民好鍾意在公園跳舞 , 過去八下先 . 

幾位大叔跟著音樂  NU NU 下 , 好攪笑 . 

幾位大嬸好勤力踎係到除草 .

呵呵 ! 長長的單車徑踩單車 一流 ! 

差不多夠鐘返回酒店交房門匙咭了 . 

跟住去食午飯再到裹蒸粽制作工場參觀 . 

待續 .........