肇慶兩天遊文娛表演 & 遊夜市

續 : 音樂噴泉

一聲巨響繼而發放煙花 , 

就令我和相公捨棄音樂噴泉餘下大概五分鐘的表演 , 

趕忙前去另外一個廣場 , 路程急急腳都要大概 7 - 8 分鐘 , 

我們諗住有更美麗的煙花發放 . 

喔 ! 煙花放完了 , 餘下是文娛節目 , 失望得很 .

今次活動主要是感謝一班有心人 , 十年前籌辦了慈善籌款 , 

幫助一班失學兒童 , 讓他們能夠繼續讀書 . 

廣場左右兩旁擺放著座椅 ,

我們衹能企在用繩欄著的地方看表演 . 

廣場面積非常大 , 

台上節目一概看不到 , 我們衹能看著巨型銀幕 , 

或者用相機鏡頭拉埋嚟睇表演 . 

兩位男女司儀對答如流 , 表現唔錯 . 

站在台上的人 , 便是十年前慈善籌款的有心人 , 

有心人太多影唔哂 , 其中有兩位女士都影唔到 , 

他們分別講出當年為何有這個構思和怎樣籌款 . 

曾經受惠繼續讀書的學生 , 

上台獻花給這班有心人 , 睇落好似全部受惠的都是女生 . 

表演打拳

耍太極

女高音唱歌

望住大銀幕對眼很疲倦 , 

都係唔睇表演到處逛逛好了 . 

商場燈火通明 , 一啲都唔似我心目中的肇慶 , 

我以為這裡會是很平靜的鄉郊旅遊區 , 

呵呵 ! 原來這裡咁多新建成的建築物 , 

市況很繁榮而且都很整潔 , 真是大鄉里 ! 

大型商場比比皆是 , 

而且都有聖誕佈置添0架 , 裡面店舖各式各樣都有 .

行下行下唔覺意行到一條較平民化的街道 , 

很多青少年從這條街行出嚟 , 本來有個大牌寫住呢條街個名 , 

但太多車出出入入 , 我無法影相 , 大概意思係乜乜夜市 . 

街道兩旁都有各式各樣的東西擺賣 , 

裡裡外外的衫褲鞋襪、地道小食和飾物等等 . 

有些似香港的女人街 , 但這裡燈光照明較暗 , 

我就唔多想買嘢 , 因為怕睇唔清楚物件有冇問題 , 

如果買件有問題物件 , 又唔可以再返嚟肇慶換0既 , 

係睇下算了 . 

這裡最多係賣女裝鞋 , 

 在這裡行街真係要打醒十二分精神 , 

經常無端端有大車小車在你身邊左穿右插來來往往 , 

所以都幾驚驚0架 , 好彩 d 車唔會開得好快 . 

坐櫈仔試鞋 

行行下唔知時間過得咁快 , 

原來已經十點鐘有多 , 要返回酒店了 . 

待續 ..........