深圳 " 悅景匯 " 清煮黃花魚

又去華強北站行電子產品店 , 

該區有關電子的商場多得很 , 

上次衹行過一座商場所以又再去 , 

未去華強北站先找地方食晏 , 

乘地鐵到悅海門站的 " 悅景滙酒家 " 

該酒家位於商業區稍為高檔少少 .

茶位10元人仔 加一服務費 

大堂的魚缸

可能這區是商業區午飯時間已過 , 

所以靜悄悄的 , 

每張枱均有百合花好香 , 

座椅好舒服佈置唔錯 .

必食黃花魚

內文提及食材 : 

由舟山群島空運而至的精選黃花魚 , 

被譽為海魚中上品 .

口感獨特肉質細膩嫩滑 , 

加以祖傳的清煮魚方法烹煮 .

看過介紹當然要試試了 ! 

清煮黃花魚 49元人仔魚好細條 , 

魚肉好滑味道清清地骨較幼要好小心食 , 

用上大量薑片和蒜頭煮好香 , 

除魚外還有一隻鮮蝦 , 相公話好鮮甜美味 , 

陳醋北方餃子 6隻39元人仔 

韭菜豬肉饀味道一般 , 

餃子下面有好多幾厚身的雲耳 .

黑松露珍菌餃 38元人仔 

饀全是雜菌好爽口 , 好有黑松露香味 .

香滑叉燒腸 26元人仔 

腸粉皮似加了澄麵粉微彈牙 , 

叉燒碎碎地有肥肉 , 味道唔似香港口味 .

金蒜蒸排骨38元人仔 

最後的排骨有點兒失望 , 

可能我們食慣香港濃味 , 

這裡較為清淡 , 排骨肉少骨大 , 

下面芋頭幾粉但吸哂排骨油好肥膩 . 

飲完茶周圍逛下 , 街上甚少人可能正在上班中 .

前排睇新聞曾提過深圳某區將會建造科技園 .

我諗可能就在這裡了 .

香港科技大學和北京大學 

香港中文大學研究院

食完晏再乘地鐵往華強北行商場 , 

我們又被小玩意吸引了. 

買咗一個似風筒的吸塵機仔120元人仔 .

另外買一座LED 座枱燈仔 45元人仔 , 好便宜 !

似風筒的吸塵機仔 , 

好多配件又可以拆出白色吸塵膠配件清洗 , 

除了吸塵還可吹塵( 好強力 )

座枱燈仔有埋時間 , 日期 , 星期和温度計 , 

燈光有三種光度選擇 , 

燈底部有夜燈功能 ( 藍色位置 ) 

有三種顏色自動切換 , 分別有紫 , 藍和綠 .