" 木椰餐廳 " 古法羊腩煲

上次遊輕鐵河經過蔡意橋輕鐵站 , 

看見旁邊好大個字的卓爾廣場 , 

外觀好似是大商場 , 今日特意去看看 , 

原來袛是大大招牌 , 

商場衹有四層高的小型商場樓上私人屋苑 , 

好快就睇哂所有商鋪 , 食肆也不少 . 

晚飯時間尚早 , 經橫跨河的大橋過對面小區看看 , 

街鋪甚多有點似元朗舊區人流也不少 , 

一條街竟然有兩間戲院 , 

沒有什麼好看返回卓爾廣場食晚飯 .

食肆雖多但相公看見有羊腩煲供應 , 

就唔想再行便入去 " 木椰餐廳 " 

餐牌有幾款套餐 , 看似不錯 ! 

三款餸菜是我平時唔想煮的 . 

1 . 羊腩煲羊肉好羶 , 煮完整個廚房都有羶味 ,

2 . 芋頭我有童年陰影 , 

小時候曾接觸過生芋頭 , 整隻手痕到想哭 .

3 . 整條魚我也少買回家怕清洗麻煩 .

綜合幾樣問題決定叫哂三款套餐 , 吃不完打包回家 .

A+ B 二人小菜晚餐 $ 162 另加羊腩煲 $ 98 

沒有加一服務費 .

古法羊腩煲配白飯 $ 98

相公至愛可惜未能如他所願 , 

羊皮上的毛多得很好難看 , 

羊肉完全沒有羊味又炆唔夠腍 , 味道嘛嘛 ! 

A+ B 套餐 : 芹香茘芋排骨煲及白飯 

排骨炆唔夠時間好硬 , 

芋頭好粉同樣炆唔夠時間 , 

還有煲內食物混了許多微細小黑點 , 

可能這煲曾燒焦沒有完全清除便再用 , 

好唔想食落肚 , 衹好打包回家用水清洗再重煮.

A+ B 套餐 : 雙檸蒸烏頭及白飯 

烏頭幾新鮮開邊蒸時間啱啱好 , 

好滑還夾雜鹹酸檸檬和新鮮檸檬香味 , 

味道好送飯真不錯 .

A+ B 套餐湯 : 紅蘿蔔節瓜排骨湯 .

三碗白飯衹吃了一碗 

三杯跟餐飲品 , 檸檬茶和杏仁霜