" 老媽拌麵 "台式三杯雞鍋

北角滙分成三期 , 我們先到二期看看順道吃晚餐 . 

台式餐廳 " 老媽拌麵 " 冷清清衹得幾枱客 .

台十三香滷水牛三寶拼盤 $ 72 

十三香滷水我諗係用十三種滷水香料制作 , 

但我愚蠢吃不出跟粵式滷水有什麼分別 , 

衹是稍為有少許甜 , 

幾款食物炆得好腍味道也不錯 . 

拼盤有 : 牛筋滑嘟嘟炆得太腍沒有咬口 , 

金錢肚腍度剛好 , 

牛展好腍沒有咬口 , 

豆腐好入味幾滑 , 滷蛋中心的黃是温泉蛋 .

豬梅花肉 ( 100 g ) 套餐$ 88 昆布木魚湯 

食材較單薄 : 生菜 , 旺菜 , 蕃茄 , 金菇菜 , 

豬梅花肉三大片 , 生雞蛋一隻和白飯 .

涼菜 : 皮蛋粒和青瓜粒 .

好濃的昆布木魚湯煮豬肉唔嚡 .

我們食唔慣生雞蛋 , 

待所有食材煮好才把連売雞蛋放到湯裡煮 , 

雞蛋熟了好香又滑好食 .

台式三杯雞鍋配珍珠米飯 $ 118 

還有熱烏龍茶和甜品黑糖珍珠愛玉凍 , 好抵食 ! 

以前食過好幾間三杯雞味道一般 , 

但今次最啱我口味 , 雞肉份量多又唔嚡 , 

涼菜同樣有皮蛋粒和青瓜粒 . 

店內人客非常少好靜 .

白桃烏龍茶

黑糖珍珠愛玉凍 ( 1 人份量 )

第一次食這種甜品 , 口感唔似啫喱 , 

滑得嚟有少許焾牙 , 但不會黐著牙齒 , 好食 .

食完飯出來看見隔離日式店站著好多人等位 , 

真係恨死隔離台式店了 ! 

飯後到商場外面散步 , 清風送爽好舒服 .

擺放著卡通公仔和枱椅 , 

有人正在享受美食 .

自從有港鐵直通港島已甚少搭渡輪 , 

這位置欣賞夜景也不錯 ! 

海邊站著有點涼意 , 往前行去第一期 .

商場佈置

全運會正進行得如火如荼 , 

這裡也有狗狗全運會 , 可惜我們遲來已散場了 !