鮮蓮子花膠糖水

今年可能蓮子豐收 , 

街市很多菜檔都有得賣好平$ 10 四兩 ,

買四兩回家煲糖水 .

一下子想不到鮮蓮子配什麼食材煲糖水 , 

前陣子發了花膠放冰箱裡 , 

今回把蓮子加埋百合 , 紅棗 , 元肉和陳皮一齊煲 , 

味道也不錯  ! 

鹹蛋雞蛋蒸肉碎 

蒜茸煮椰菜 

蒸鹹雞腿

每次買冰鮮芝麻雞 , 

都會先用鹽醃雞腿蒸來吃 , 

雞其他部位放冰箱另作打算 .
 

" 蒲東小館 "下午茶

天氣太熱唔想到處逛 , 去" 蒲東小館 " 食晏 , 

很久前曾吃過晚飯 , 食物算尚可 , 

下午茶原來免茶又沒有加一服務費 .

四川擔擔麵 $ 38

醬料調配得很濃稠好香麻醬味 , 

辣味分成大 , 中 , 小辣 , 

我們選小辣這種程度都唔錯好啱我們 .

排骨粗炒麵 $ 58 

送來熱辣辣味道可以 , 

但排骨是豬扒肉切成粗條狀好 ( 柴 )

餐配一杯熱飲品 , 天氣太熱了 ! 

唔想熱上加熱轉凍飲加 $ 3 .

另外追加小食 ( 北京水餃4粒 $ 30 ) 

肉饀幾新鮮味道唔錯 .
 

老黃瓜素湯

立秋已過一段日子 , 理應日間炎熱晚上會稍涼 , 

但天氣反常得很 , 日夜仍好熱 , 

由其我家住新界 , 街道上可遮陰地方較少 , 

在街上行走感到太陽把皮膚曬得很刺熱 .

所以不想周圍行 , 

衹到街市看看 , 買點餸菜便回家 .

蒸水蛋 

排骨豆腐煮甜椒 

天氣熱胃口麻麻 , 加少許微辣的七味粉增添食慾

老黃瓜素湯 

紅蘿蔔 , 腰果 , 赤小豆 , 炒扁豆 , 蜜棗 , 果皮等 .
 

紅酒炆牛尾

偶然想起很久前在洋酒專門店買了一樽紅酒 , 

擺放已一段時間了 , 今天特意買些雪牛尾用紅酒炆 .

冬菇瑤柱炆節瓜 

紅酒炆牛尾

放一大個蒜頭和大半碗紅酒一齊炆 , 

炆腍才放少許醬油和鹽 ,

炆過程中散發出陣陣肉味 , 食味唔錯但全沒有紅酒味 .

灼菜心苗

第一次買烏拉圭牛尾 , 不知要炆幾耐才腍 , 

反正都係要花時間炆 , 

索性買兩包 , 總共腍了兩個小時才腍 .

 

再" 潮潮居 " 飲茶

午餐不知吃什麼 , 

近近地又去屋苑商場的 " 潮潮居 " 飲茶 , 

主要這裡沒有分什麼午茶或下午茶 , 

點心無論大 , 中 , 小點都是 $ 26 

茶位 $ 13 所以容易搵位 . 

蜆芥配炸鯪魚球

熱辣辣唔腥 , 蜆芥好腥沒有試食 .

沙嗲金錢肚

唔夠腍味道唔錯 

瑤柱珍珠雞我和相公都愛吃 , 

饀料衹有瑤柱和少量肉碎和咸蛋黃 , 

我們偏愛它不會濕蓆蓆 , 糯米飯都乾爽好味 .

蟹籽蒸燒賣 

饀料的蝦好鮮甜 .

香茜牛肉腸粉

牛肉裡混了馬蹄和香茜味道配得剛好 ,

粉皮好滑 .
 

又 " 鵝鹵宫 "

第二次到元朗 " 鵝鹵宫 " 吃晚飯 , 

我和相公覺得這裡的四喜拼盤很啱口味 , 

況且星期一至四某信用咭可享有九折優惠

( 相公都用這款咭 ) 

雖然市況清淡 , 但這裡入座率都算唔錯 , 

大概七至八成左右 .

四喜拼盤 $ 240 

四款食物都保侍上次的水準 , 

但我偏愛吃熱乎乎的炸蝦棗鮮甜美味 .

椒鹽九肚魚 $ 88 

我和相公都愛吃椒鹽九肚魚 , 但很多食肆都欠奉 , 

上次也曾點過這款魚 , 

但侍應回復買唔到九肚魚 , 

今次姑且嘗試再點 , 竟然有 ! 

喔 ..... 賣相唔錯喎 , 

炸得金黃唔乾魚肉滑又脆口 , 酒上七味粉辣辣的 , 

很久沒有吃到啱我們要求的炸九肚魚 , 

通常都炸得微脆衹有滑的口感 .

沙茶牛肉粿條 $ 108 

份量幾多 , 味道唔錯又夠熱加分 . 

牛肉有口感腍滑 .

杏汁花膠豬肺湯 $ 58 一位 

濃稠杏汁湯飲用時感到真是用杏仁磨汁 , 

濃湯裡混有杏仁微碎 , 

花膠二件 , 瘦肉粒 , 

豬肺樣子洗得乾淨 , 味道一般 .

咸菜 $ 23  茶位 $ 18
 

中西合璧外賣午餐

午餐相公想吃麵 , 而我想吃 Pizza , 

屋苑商場沒有 food court , 衹好買外賣回家吃 .

" 一粥麵 " 京都炸醬麵 $ 45 + $ 2 多三隻鮮蝦雲吞 

這款麵味道一般 , 可能已放涼麵較硬 , 

湯都唔太熱加到麵裡作用不大 .

 " Pizza Hut " 一人份量午餐$ 69 

千島汁海鮮迷你必勝批食材有 : 

三文魚肉 , 蝦仔 , 菠蘿 , 魷魚和菌, 

小食有 : 兩隻炸鳯尾蝦和炸薯條 , 

薯條放涼腍蓆蓆 , 鳯尾蝦微暖蝦新鮮味道不錯 . 

批雖然微暖但也很好吃 , 如果熱更加美味 .

兩款食物都係堂食較適合 . 

 

V walk " 和平飯店 "

 很久沒有到深水埗 V walk 行街 ,  

該商場食肆甚多 , 

早幾個月前曾幫襯過 " 和平飯店 " 

餸菜頗為啱口味 ..... 出省去 ! 

V walk 商場裡有些店鋪結業了 , 

但同時又出現其他新店進駐 . 

( 香港經常都是舊店剛走 , 新的很快便開張 ) 

我們六點幾到 " 和平飯店 "

點完菜環顧其他座位已差不多滿了 , 

心中為這間店開心 , 終於捱過疫情淡市 , 

迎來滿是客人的日子了 !

                 

                               送來雞絲粉皮( 我們沒有叫 )

                                  還付上小單據免費 " 結業優惠 $ 68 "

                            吓 , 咁好生意竟然結業 ? 滿心懷疑問工作人員 

                           回答是真的做到月底 , 細問之下原來租約期滿 , 

                                      店主自動加租奈何未能續約 , 好可惜 !  

                              不等你小籠包 $ 52 水準跟上次一樣好味多汁 .

                                

                             砂鍋濃湯餛飩雞 $ 168 雲吞六隻肉很鮮 , 

                                      雞半隻煲過湯仍有雞味滑滑的 , 

                      湯很濃郁鮮甜 ( 跟上剪刀 ) 自己分開雞隻很為顧客著想 .

                              

                       四川擔擔麵 $ 55 微辣濃濃的麻醬伴麵好味 .

                              

                           糟溜魚片 $ 113 上次食過水準如一 .

                              

                                       生煎牛肉餅 $ 58

                             

                              牛肉餅有肉味微甜皮厚度適中 , 

                              餅底金黃脆脆地 , 真不錯可惜就快結業了 ! 

                                           

簡簡單單又一餐

晚餐非常快捷簡單 , 

衹是把昨晚在快餐店食剩的叉燒和白飯加蛋炒飯 , 

再滾個湯和炒碟餸 .

叉燒蛋炒飯 , 

紅蘿白甜椒炒現成豉油雞1/4隻

節瓜肉片湯 .

迷你冬瓜盅 " 大家樂 "

前幾天已立秋但仍很熱 , 太熱了 ! 

今日做無飯主婦, 

天氣熱很多酒樓都推出冬瓜盅優惠 , 

份量太大我倆吃不完 , 又不可以打包回家 .

 今晚去" 大家樂 " 食迷你冬瓜盅二人套餐$ 140

套餐有迷你冬瓜盅 , 自選兩款餸菜 .

另加 $ 10 就有一條豉汁蒸黃立倉魚 . 
 迷你冬瓜盅食材 : 

有香花菜 , 雞肉粒 , 豬肉粒 , 瑤柱絲 , 蝦粒 , 蟹柳 , 

勝瓜粒 , 燒鴨粒和菇粒 , 湯味清清地幾啱現在悶熱天氣 .

叉燒樣子很瘦但唔柴好味 , 

咕嚕肉用豬扒做味道微酸甜很不錯 , 

豉汁蒸黃立倉魚算新鮮好味 ( 豉油另上自己放 ) , 

還有白飯二碗和兩杯普洱茶 . 

每樣食物份量都不少 , 由其是白飯滿滿一大碗 , 

我們衹吃了一碗飯 , 叉燒吃了少許 , 

餘下打包回家明天炒飯 . 

醬油炆豬肋骨

今日沒有地方想去 , 

早前超市 " 荷蘭豬肋骨 " 減價註明無激素添加 , 

今日用醬油和片糖炆腍雖然是雪肉 , 

但炆起來幾香而且肉質算滑唔柴 , 

現成炸魚片煮白豆角 , 蒜粒炒菠菜 . 

 

日式自助火鍋 " 牛一 "

大部份商場設有大型電視 , 

每當有大型盛事都有轉播 , 

近來巴黎奧運會比賽進行得如火如荼 , 

今次到屯門市廣場剛好進行乒乓球比賽 , 

大眾一齊睇比賽氣氛好好 , 

大人看比賽小朋友入去吹氣樂園玩個痛快 .

睇完比賽我們找地方吃晚餐, 

相公看見他的至愛火鍋放題 , 好吧就讓他吃過痛快 . 

這商場甚多日式火鍋放題 , 如 " 牛陣 "  , " 牛一" 還有好幾間 , 

今次我們揀" 牛一 " 印象中我們幾年前曾幫襯 , 

但忘記是否啱食 . 門外價錢牌分六種價錢 , 

每種價錢長者都有優惠  

N 1豚鳥三品$ 168  

N2嚴選牛五品$ 188 

N3 特上牛六品 $ 248 

N 4 牛八品 $ 288 

以上四種衹可享用 100 分鐘

 另外兩種可享用120 分鐘

 1 .澳洲和牛小排 + 海鮮 $ 408 

2.日本A 5 鹿兒島黑毛和牛 + 海鮮 

一場入到來食埋海鮮較合化算 , 

當我們看 QR CODE 菜單 , 牛肉四款

海鮮四款 , 蝦 , 墨魚滑 , 廣島蠔和帆立貝 . 

怪不得我們附近幾枱客都沒有海鮮衹吃肉類 . 

我對肉類興趣不大每款都食一片 , 

覺得最好味又滑衹有澳洲和牛 , 所以再食多兩片 .

姬松茸雞湯底 , 

墨魚滑用膠袋預先包裝相信係食品商制造,  

蝦都幾新鮮 , 帆立貝 , 廣島蠔 . 

肉唔多啱我 , 熟食物炸脆奶( 微甜可以 )  

炸魚皮 , 炸雞塊嘛嘛 , 另外攞幾粒丸( 冇味 )  南瓜和冬瓜 , 

澳洲和牛唔錯再叫兩碟 , 再叫帆立貝和蝦 , 

冇咩啱食攞少許牛肉碎炒飯 , 

咖哩牛肉 ( 汁多食材少唔辣但稍鹹 ) 

墨魚燒 , 餃子扁扁好少饀冇味 , 

芋條 , 鮮菇和勝瓜 , 

蔬菜種類唔多 , 衹攞少許忘記影下來 .

沒有雪糕衹有乳酪雪糕自助機 .

汽水同樣沒有罐裝衹有自助機 , 

可能自助式許多人唔多識操作倒瀉地上 , 行起來黐立立 . 

熟食柜

場內沒有雪柜 , 紙包飲品唔凍嘛嘛 .

今次好似有少少伏 .

 

" 別忘了 " 台灣風味店食晏

今天有點事要到郵局順便食晏 , 

現在很多小店名字很特別 " 別忘了 "

這間店已開業成年 , 

不知為何我們每次經過都提不起興趣入去 . 

終於今天入去幫襯 , 外觀覺得店很細間 , 

其實店也不太細間 , 這裡不用加一服務費 .

紅燒牛肉麵 $ 62 配雷萌胭脂桃花紅茶 

牛肉等同牛腩炆得夠腍味道都幾好 , 

麵有少許鹼水味較硬身 , 

湯裡有微辣鹹酸菜味道好好 , 

牛腩四件和半隻滷蛋 .

古早味排骨飯 $ 60 配雷萌胭脂桃花紅茶

滷肉是切得細細條的腩肉 , 味道唔錯好送飯 , 

還有些甜甜地菜脯粒和半隻滷蛋 , 

豬扒熱辣辣微脆好香口 , 唔太腍少許咬口好入味 , 

下次來都會食這個飯  . 

兩杯熱雷萌胭脂桃花紅茶 , 

茶味微甜混著桃花香氣 , 

跟上一片薄薄檸檬味道很夾 , 可惜茶衹是微暖 .

店內佈置有點台灣風味餐枱很細 , 

這裡日間除了飯和麵供應 , 

還有一人自助火鍋 , 

但晚上衹供應自助火鍋 , 

我們臨走前參觀自助火鍋食材擺設 , 種類唔算多 , 

主打牛肉和其他肉類沒有擺出來 , 

我們都會來試試 . 

自煮三文魚刺身蒸豆腐

地球先生愈來愈病了 , 全球暖化一年比一年熱 , 

昨日竟然 37 度 ( 新界區 ) 行在街上熱到汗流浹背 , 

在廚房裡更加熱上加熱 , 

餸菜盡量簡單為主 , 到超市看看 . 

三文魚刺身蒸豆腐: 

三文魚片用原有的醬油加點粟粉調味 , 

放到豆腐上加些豆豉和七味粉先蒸熟倒去水份 , 

乾蔥頭切碎爆香加蠔油和水埋獻 , 味道算唔錯 .

南瓜炆支竹 : 

第一次買日本出產的南瓜 , 不知是否啱口味

( 所以特別炒多一碟生菜 ) 

南瓜個子細細半個二十幾元 , 

皮較薄容易去皮肉好易腍微粉甜 , 

支竹好煙韌唔好食 .

叉燒又係錯誤選擇 , 樣子唔錯但肉質好柴又硬 , 

好彩有生菜好食 .

今次特別把餸菜全放到一起影相 , 

主因早前更換手機 , 街景唔錯但影餸菜出問題 , 

光度平時較暗 , 但遇到更光地方就會自動加大光度 , 

飯廳燈光較暗 , 每次影餸都要手調較 , 

但要每幅相都要較 , 而且每張相都不同樣 ( 怪怪 )

到現在仍摸不清如何操作 .

 

" 一粥麵 " 雲吞雞套餐

無煮意又做無飯主婦 , 

到屋苑商場行下再到 " 一粥麵 " 吃雲吞雞套餐 , 

自從商場重新裝修後 , 引進很多新食肆來開業 , 

" 一粥麵 " 生意淡許多 , 

所以久不久都會推出一些較抵食的餸菜 , 

今期推出雲吞雞套餐 $ 108 

有 : 雲吞雞半隻和兩款餸 ( 有好幾款餸菜可供選揀 ) 

其中有福建炒飯( 相公至愛 ) 

我們揀了菠蘿咕嚕肉和福建炒飯 , 

送來的餐多了碗白飯 , 

原來所有餸菜都有一碗白飯 , 我們沒有留意 , 

大大碗白飯混到福建炒飯裡 , 飯裡有四隻蝦頗為新鮮 ,  

飯份量足夠三個人食 , 又要打包回家去. 

咕嚕肉不是傳統肥肉而是豬扒味道唔錯 , 

雞半隻煲過湯較腍幾滑 , 

還有兩隻鮮蝦雲吞和兩件花膠 , 

湯很濃郁超多油味道都幾好 . 

 

" 逸逸居 "大良脆奶拼香檳骨

為了愛吃的炸脆奶我們重臨 " 逸逸居 " 吃晚飯 , 

況且其他餸抵食又啱口味 , 茶位$15

金薯牛柳粒 $ 98

牛柳粒唔韌 , 黑椒碎太多辣度可接受 , 

薯仔炸過微脆 , 整碟餸很好味份量也不少 , 

但黑椒碎過多影響了外觀要扣分 .

我們的至愛大良脆奶拼香檳骨 $ 78 

炸奶微甜熱乎乎香口 , 送來趁熱真好吃 ! 

香檳骨保持跟上次一樣水準 , 好吃 ! 

花膠豆腐煲 $ 98 

花膠份量唔少 , 還有火腩 , 冬菇和豆腐 , 味道唔錯 .

白飯 $ 15

飯後送桂花糕