潮宴半席

小時候總是聽到大人們說冬大過年 , 

當時不明所以 , 衹是看見他們團團轉在廚房裡煮餸 , 

現在節日大部份人都到外面吃 , 

相公一家人都係同樣唔想煮 , 又唔想正日搵食麻煩 , 

所以每次做節都會提早 , 除了定位容易價錢也相宜點 , 

今次冬至我們選擇到元朗廣場的潮樓 , 吃半圍潮宴 , 

有些餸菜味道不錯 , 份量也很足夠 . 

 淮杞螺頭燉雞

湯味濃郁較肥膩 .

 上湯波士頓龍蝦伊麵

我冇食但看見他們吃得津津味 , 

相信龍蝦幾鮮味 , 相公話肉質幾爽口 . 

 百花吉列蝦

我都係冇食 , 相公話口感麻麻 , 唔爽口 .

 翠綠玉蘭蝦仁蚌片

味道一般 , 如果介蘭炒耐少少較好味 . 

 清蒸游水海青班

魚仔細細肉質一般

 蠔皇原隻鮑魚扣花菇

生菜墊底 , 鮑魚炆得剛好有鮮味 ,

有口感之餘又不用花太多牙力 .

 潮式飄香雞 

樣子麻麻冇飄香 , 味道一般 .

 海參金瑤扒菜苗

菜苗是白菜仔 , 

海參切得很幼細吃不到它的味道 ,

瑤柱過稔沒有味 .

 臘味糯米飯

我本想預留空間吃包包 , 

但看見糯米飯樣子唔錯 , 都嘗了少許 , 

所有食材切得細細的唔肥膩 ,

糯米飯爽爽地唔太硬 , 

味道唔錯但覺得好似混了普通白米一齊煮 .

 紫薯桃包

我期待的包包 , 饀是紫色蕃薯蓉 , 

顏色幾靚没有香味 ,

我都是較愛吃舊式的蓮蓉饀 .