得閒無事搵野玩 , 豆腐有益眾所周知 ,
久不久都會買來做餸 , 今次貪得意預早一天買了 ,
放到冰箱雪硬做冰豆腐 ,
晚餐 : 三文魚頭冰豆腐
帶子燴節瓜
紅棗合桃元肉杞子蘋果湯
三文魚頭冰豆腐
冰豆腐雪硬質感變得有層次容易鬆散 ,
煎魚頭順道把冰豆腐略煎 ,
三文魚頭較腥除生薑外還加了七味粉和乾蔥頭一齊炆 ,
冰豆腐吸入三文魚頭的鮮味 ,
變得沒有那麼單調 , 但樣子就醜醜地 .
帶子燴節瓜
紅棗合桃元肉杞子蘋果湯
天氣乾燥蘋果素湯也不錯 .
我like炆大魚頭，
回覆刪除但三文魚頭未食過，肉質相似嗎？
兩種魚頭肉質好大分別的 , 三文魚頭肉較實 , 面珠肉沒有大魚頭那麼滑但勝在大嚿 .
刪除豆腐有營養,煮法又多,好味
回覆刪除帶子燴節瓜也好味呢^^
豆腐可做性真係幾多 , 我相公的至愛嚟0架 .
刪除但我家附近沒有街市 , 購買較麻煩 , 所以玩下冰豆腐 .
我都很鍾意吃帶子燴節瓜鮮甜美味 , 制作又方便 .
蘋果素湯好潤 :)
回覆刪除係呀 , 購買又方便而且遇上唔靚的蘋果又可以用來煲湯 , 哈哈 !
刪除天氣乾燥多飲湯好的
回覆刪除係呀係呀 , 飲多些湯喉嚨冇投訴 , 而且皮膚都冇咁乾 .
刪除用冰豆腐打邊爐，好正
回覆刪除喔原來打邊爐好正0既 , 下次我又整嚟打邊爐 lu , 謝謝你話咁我知呀 !
刪除我都鐘意用冰豆腐煮餸架!
回覆刪除玩過今次效果都算幾好 , 日後我都會煮多 d 了 .
刪除我鍾意你個素湯， 材料豐富，有益。
回覆刪除我好鍾意煲呢個湯 , 因為購買方便而且遇上唔靚蘋果又可以把它煲湯 .
刪除三文魚頭好抵食！
回覆刪除你個素湯， 材料豐富，很吸引！
係呀 , 三文魚頭平過大魚頭好多 , 而且肉都多些送得飯 .
刪除這款素湯我都幾鍾意煲的 , 因為可以預早買定材料 , 如果遇到蘋果唔好食又可以放落去煲 .
三文魚頭好多油, 配煮豆腐好夾....入治味 !
回覆刪除三文魚頭真係幾多油 , 好彩算係有益油 , 現在天氣乾燥食佢好過食魚油丸 , 哈哈 !
刪除配豆腐都幾好味 , 如果配豉汁涼瓜都唔錯的 .
豆腐吸收晒味道, 我諗會好好味.
回覆刪除豆腐變成冰豆腐更加吸汁 , 好味些 .
刪除