名門國宴酒樓 ( 我和62有個約會 )

早幾日我和相公周圍逛 , 

看到名門國宴酒樓門外寫著龍蝦 88 元一隻 , 好抵喎 !
62 最鍾意食龍蝦 , 新年前後我們曾食過幾次但肉質都麻麻 ,
之前我們應承 62 再同佢去食龍蝦 , 

現在看到咁抵即管帶埋 62 去試下 ,
今晚我們叫了一個四餸一湯的套餐和一隻龍蝦伊麵底 .

餐湯四款可供選擇
我們揀了雪梨、萍果、螺頭、雞燉湯
一盅滿滿的 , 我諗 5 - 6 人都夠飲 .
燉湯很多材料 , 湯味甚鮮甜 , 喝後沒有口渴現象 .

湯的食材豐富有 :
雪梨、萍果、紅棗、南北杏、螺頭、雞、唐排骨等 .

叉燒爽口唔韌味道唔錯 .



上湯焗龍蝦伊麵底看樣子肉質唔錯又大隻 .

62 已急不及拿起筷子準備 .....
咪住 ... 影張相先喇 !

麵醬什菌炒雞柳 , 鑊氣都幾夠味道一般 .

紅燒滑豆腐 , 豆腐很滑味道一般 .

豉汁蒸黃立倉 , 魚很新鮮好好味 .

兩仔爺食到不亦樂乎 , 我唔食龍蝦所以唔知味道和肉質如何 ,
但看到他們倆人的食相 , 都已略知一二了 ,
而且我看到 62 食完龍蝦肉 ,
跟住連個殼裡面的汁液都啜埋 , 食得非常滋味啊 !
食完飯 , 我又要做例行公事 ,
訪問下佢地兩位對今次的龍蝦0既評價嘞
他們異口同聲 : 非常鮮甜 , 龍蝦肉好彈牙 , 好好味呀 !



飯後還有糖水兩款芝麻糊或紅豆沙任擇
我們要了三碗紅豆沙 ,
我對紅豆沙都係麻麻衹淺嘗少許 ,
糖水唔太甜但煲得唔稠 . 今次餸菜太多了 ,
食唔哂打包足有兩盒 , 給 62 回家慢慢歎 . 我們準備離開之際 ,
62 突然好開心咁同我地講 : 遲兩日我地又嚟食龍蝦吖 !
吓 .... 唔係亞嘛 !
都未返屋企 , 咁快又講定遲兩日又嚟食過 ?  唔好喇卦 !