" 上海婆婆 " 失手

     轉眼又到清明節 , 

今日我和相公吃過午飯便乘西鐵到荃灣掃墓 , 

每年我們掃墓完畢 , 都會徒步前往荃灣海濱公園 , 

欣賞海旁兩岸風景 , 但現在香港空氣愈來愈難有藍天白雲了 , 

海濱公園長堤寬闊 , 也不失為一個散步好地方 , 

這裡有個茶花園 , 種了很多茶花 , 開得頗為燦爛 . 

資料來自維基百科 : 

茶花性喜溫暖、濕潤的環境。花期較長，

從10月份到翌年5月份都有開放，盛花期通常在1~3月份。

花瓣為碗形，分單瓣或重瓣，單瓣茶花多為原始花種，

重瓣茶花的花瓣可多達60片。

茶花有不同程度的紅、紫、白、黃各色花種，

甚至還有彩色斑紋茶花，而花枝最高可以達到4米。

欣賞完海景和靚靚茶花 , 我們便到附近商場逛逛和食晚飯 , 

自從上次我們在荃新天地上海婆婆吃過下午茶之後 , 

心裡仍想著要再去吃餃子 , 於是又到荃新天地上海婆婆吃晚飯 . 

今次我們叫了 : 担担麵、菜肉包、韮王炒鱔糊、菜肉餃子等 . 

甜品 : 高力香蕉豆沙 . 

相關網誌  :  上海婆婆下午茶 

上次我和相公對這裡的食物都幾滿意 , 但今次竟然令我們大失所望 . 

担担麵

餐牌上註明係一隻辣椒 , 

我們怕太辣所以叫少辣 , 但呢碗一啲都唔覺有辣味 , 

衹有鹹味而花生醬味都微乎其微 " 虛有其表 "

菜肉餃子味道都同上次一樣咁好味 , 但唔夠熱要扣分 . 

菜肉包 , 又係唔夠熱裡面啲饀顏色太深 , 唔吸引0既 .

韮王炒鱔糊

  顏色又係太深味道偏甜 , 都冇乜所謂了 , 

但最差係 .... 所有鱔條都係稔pat pat 粉粉地超難食啊 ! 

難為相公重笑得出 ,  

幾樣食物衹得菜肉餃子係最滿意0既 , 

諗番樣食物彌補一下難食的心情 . 諗到嘞 , 

叫多一味甜品 , 高力香蕉豆沙 .

高力香蕉豆沙一客有四件 , 

送到埋嚟四件都唔同樣 , 白雪雪好似冇炸過咁 .

我把其中一件整開睇下有乜材料 , 

豆沙少得很 , 裡面夾著一片薄薄的香蕉 , 

吃的時候完全沒有香蕉香味 , 衹食到少許紅豆味 .