中山豬肉婆飯店午飯

今早我和相公大概七點半便到酒店的皇子扒房食自助早餐 , 

導遊話自助早餐從早上六點半開始至十一點半  , 

他說通常最多人食早餐時間係九點至10 點 , 

大家都同一時間食早餐會很擠迫 , 我們情願早點食 .

時間尚早餐廳裡甚少客人食早餐 , 繞場一周看看有乜嘢食先 .

今次成團人有 50 位 , 但很奇怪冇乜人影相0既 , 

所以我都唔好意思影相 , 食物款式非常多 , 

中式 : 多款茶樓點心 , 粥都有四款 , 雞蛋煮法都有四種 , 

太多嘢食寫唔得咁多 , 西式比中式還要多很多添 . 

生果 : 有香蕉、西瓜、木瓜、車厘茄和沙田柚等等 . 

實在太多啱我食0既食物 , 

中西式包包都有好多種 . 噢 ! 超飽呀 !

中午十一點鐘個個團友精神奕奕集合上車去食午飯 , 

大概25 分鐘車程就到達豬肉婆飯店 . 

飯店內外佈置很古樸鄉村模式 .

飯店設計先經過廚房才到達餐廳 , 

內部食材擺設和制作一目了然 . 

他正在全神貫注釀豆腐 , 木桶裡裝著滿滿的碎豬肉 . 

隔著玻璃看到廚房內正在忙碌煮餸 . 

牆上掛了藝人跟疑似豬肉婆的合照 . 

先讓大家喝口粉葛鯪魚紅蘿白湯 .

煲過湯的食材 , 鯪魚雖然多骨 , 仍有團友吃得津津有味 . 

鮮甜美味的粉葛鯪魚老火湯

我唔食的燒鵝 , 相公又係嗰句好食 ,

問佢點好食呀 , 總之就好食喇 ! 

南瓜炆腩肉 , 看到腩肉很肥 , 

但都試少少 , 我衹食瘦肉好香豬肉味 , 

平時食客家菜炆肉 , 通常都炆到好稔 , 肉差啲散開 , 

這些炆得好稔形狀冇變樣 , 層豬皮很滑但唔覺得肥膩 , 

味道甜甜地( 如果唔驚膽固醇高的話都好美味 )

豉汁蒸唔知乜魚好多骨 , 

肉質很滑味道很鮮 ( 有團友話係扁魚 ) 

蒸走地雞肉好味 . 

炸錦鹵雲吞很香脆 , 

 裡面有隻大大的蝦 , 相公話隻蝦好鮮甜 . 

炸大良鮮奶 , 兩件麵包夾住鮮奶嚟炸 , 

麵包吸哂啲油好肥膩 , 還有些怪怪油溢味 , 

裡面的鮮奶又係上一間飯店一樣 , 甜甜地唔好食0既 . 

魚腐鯪魚球什菌煲味道一般 

清炒嫩滑通菜

什菜

家嫂薑汁糕 , 煙煙韌韌辣辣地很特別 . 

豆腐花好滑

吃飽飽還未夠鐘上車 , 我和相公周圍行下 . 

這座木雕佛像 , 整座雕了很多不同做型的公仔 

有團友話這部係打穀機

剛巧有位侍應捧著大大個的炸煎堆和砵仔蒸魚腸 , 

我請他給我拍張照片 , 他很開心跟我合作影咗一張 , 

我覺得唔太滿意再來一張 , 他仍非常樂意給我拍照 , 

非常多謝他啊 ! 

魚池裡有很多色彩艷麗超大條的錦鯉 .

喔 ! 隔離就係茅廁 , 錦鯉咁艷麗唔知同呢處有冇關呢 ?