又到名門國宴酒家晚飯

其實今次我唔想又來這裡吃晚飯 , 

因為好怕 62 和相公又食龍蝦 , 膽固醇太高了 , 

但相公上次已應成過 62 再同佢再來吃龍蝦 , 

冇法喇要有信用0既 , 但都盡量拖延到今天才來吃飯 , 

今晚餸菜主角龍蝦伊麵底外 , 又係叫咗一個四人套餐 , 

本來上次嚟食過四人餐都知道份量也不少 , 今次唔好再叫四人餐 , 

但看到 62 上次食得咁高興 , 算了吧 ! 

最多食唔哂 , 打包比62 拿回家吃 , 但今次餸菜好似冇上次咁抵食 . 

滋潤燉湯木瓜燉生魚 , 湯味濃郁很鮮甜好好味 , 

62 連飲兩碗 , 看他樣子喝得很滋味 . 

咁鮮甜等我睇下有乜材料先 , 

雞、生魚、紅肉木瓜、南北杏、唐排骨乾瑤柱和紅棗 , 

材料豐富 , 唔怪得咁濃郁鮮甜喇 ! 

南乳溫公齋煲通常齋比較肥膩 , 但呢煲齋好似唔覺有油 .

粟米石斑塊 , 最近食物價格高漲 , 

有很多食肆做這味餸都會用稔魚柳 , 這碟唔係稔魚柳

但又食唔出係乜嘢魚柳 , 都幾爽口好味 . 

波士頓龍蝦伊麵底 , 佢兩父子又係個句 , 好好味爽口鮮甜 . 

燒味拼盆有四款 

我和相公都衹食過中間的炸豆腐和叉燒 , 

豆腐外面炸得唔夠脆 , 裡面豆腐好滑 , 叉燒太瘦了較韌 .

我唔食龍蝦0既 , 所以好得閒 , 影下 62 食龍蝦個樣先 . 

豉汁黃立倉魚 

蒸得過熟好嚡 , 而且麻麻地新鮮 .

最後又係紅豆沙三碗 , 我冇食唔知好唔好味 , 

如果問佢兩父子肯定又係個句好食 . 

春天來了 , 萬物又再重生起來 , 

包括那些討厭的轟炸機 ( 蚊 ) 又活躍起來了 , 

今日我們在千色店看到以下的兩種驅蚊器 , 

售貨姐姐介紹得好似好好用 , 即管每樣買一個試下 .