薩莉亞意式餐廳

復活節一連四天假期剛開始 , 我都要放假一天做無飯主婦 , 

今日我和相公周街逛完 , 才到薩莉亞意式餐廳食晚飯 , 

好彩我們未到 7 點鐘便到達餐廳 , 

等位大概10 分鐘便可以入座 . 

我們吃完飯離開 , 看到門外非常多人等位啊 ! 

我們已有一段日子沒有來這裡吃東西 , 餐牌上食物有些改變了 . 

意大利菜湯

我的至愛比薩 

本來我鍾意食三文魚 , 但現冇咗lu , 

這裡也有米比薩 , 但我在日本店食過 , 

覺得唔太啱口味今次唔叫了. 

今次衹好改食煙肉菠蘿饀 , 味道都可以 , 

但煙肉焗過後出油漏入餅面 , 所以覺得比較肥膩 .

雞肉焗飯

外表賣相麻麻食就很好味 , 飯面有芝士和白汁蓋著焗得很香 , 

裡面的飯好似用了蕃茄汁煮過微紅色的 . 

鐵板天婦羅

相公話隻蝦爽口鮮甜好味 .

中間嗰碟係邦哥尼蜆肉鐵板煮 , 我們出外食飯很少叫炒蜆

因為以前在酒樓吃過好幾次 , 

炒蜆通常好多都冇咗嚿蜆肉得個貝殼

今次的蜆係用鐵板煮 , 煮法簡單完全沒有添加味料 , 

清煮很鮮甜又唔韌 , 所有蜆肉煮得剛熟 , 蜆肉全部冇甩出來  .